Presentemos nel Senáu una riestra entrugues sobro la situación de la fauna marina asturiana al traviés d’EH Bildu, los nuesos socios de coalición en Los Pueblos Deciden.
Nel escritu recuérdase que demientres el mes de xineru, apaecieron delles tolines muertes na costa asturiana, y que’l “Principado” dexó inoperativa la Rede de Varamientos del Cepesma, una rede qu’atendía y salvaba a les tolines que quedaben varaes na costa, de tala miente qu’agora nun hai alternatives vidables pa l’atención de la fauna marino. Ello asina atopámosmos ensin dengún cientru de recuperanza p’animales marinos, ensin presonal formáu y ensin medios afayaízos pa esta triba d’anteción.
Dao que sigún la llexislación vixente, el Ministeriu de Mediu Ambiente español ye’l másimu responsable de la fauna marino de les augües territoriales asturianes, Andecha Astur solicitó a dichu Ministeriu rempuesta sobro les entrugues que vienen darréu:
1.- ¿Cuálos son los animales marinos qu’apaecieren muertos na costa d’Asturies nos 5 años caberos?
2.- ¿Cuálos son los animales marinos qu’apaecieren feríos na costa d’Asturies nos 5 años postreros? ¿Qué procedimientu de salvamentu s’emplegó con caún?¿Cuántos sobrovivieron? ¿Qué alministración o asociación ocupóse del salvamientu?.
3.- ¿Qué midíes va tomar el Ministeriu, nel ámbetu de les sos competencies, pa torgar la muerte de mamiferos marinos na costa asturiano?
