Dende Andecha Astur nun podemos dexar d’esmolecemos pol averamientu en forma y fechos de les dos formaciones polítiques españoles, PSOE y Podemos, procesu nel que nun duldarán n’utilizar una vegada más a Asturies como moneda de cambeu.
Tando nidiu’l procesu de pasoquización de la formación “socialista” nel que los mayores de 50 años nun camuden el so votu del PSOE (faiga lo qu’esti faiga) demientres que pierde los votos de menores d’esa edá, paez que nel partíu de Pablo Iglesias Turrión camienten que la única manera d’atropar los votos de mayores de 50 ye’l pasoquizase ellos mesmos, cediendo de les sos teóriques posiciones aniciales y averándose al PSOE. Pa que Podemos algame tolos alcuerdos que ñecesita p’algamar la so cuota de poder nel Reinu d’España necesita de los sos complices, y pa ello nun tienen problema en facer “tabula rasa” con tolo acontecío nel nuesu país, que naide pague pol marafundiu d’El Musel, tragar colos casos de Villa y tola corripia “sociata” que carecemos nel nuesu país dende 1982 fasta anguañu, permitir la permanencia d’Areces nel Senáu Español, recibiendo’l so pagu polos servicios apurrios al Estáu colonial, entantu tolos sos collacios de la FSA siguin impunes polos milenta millones de los fondos mineros que finaron nes manes de los sos collacios (cuando non del partíu) ensin aportar al so destín, que yera l’espoxigue’l pueblu asturianu pola mor de la desindustrialización…
Desindustrialización, per otru lláu, perbién planificada pa finar col movimientu obreru’l nuesu país. Lo que nun algamó’l facismu franquista… fueron ellos quién pa con ello
En resume, dende Andecha Astur queremos alertar de la necesidá d’andar sollertes, yá que con ellos siguimos siendo la moneda de cambéu solo por cuotes de poder adientru l’Estáu Español.
