Inicio > Asturies > L’Academia de la Llingua sofita a Andecha Astur
AsturiesLlingua AsturianaMás noticiesPortada

L’Academia de la Llingua sofita a Andecha Astur

En rempuesta al pidimientu d’intervención d’Andecha Astur por mor de los fechos represivos protagonizaos pola Xunta Elleutoral Provincial na pasada campaña elleutoral.

Andecha Astur recurrió a l’Academia de la Llingua Asturiana, ente l’incumplimientu de la Xunta Elleutoral Provincial -XEP- de la sentencia’l Tribunal Costitucional que ganó Andecha Astur nel 2000 sobro l’usu del asturianu nes elleiciones y que fasta agora veníen respetando, por ser l’Academia de la Llingua Asturiana -ALLA- la istitución del país encargá estatutariamente de curiar los drechos llingüísticos asturianos.

Nel escritu remitíu pola ALLA a la XEP, esta istitución recuerda’l mandatu estatutariu de mirar polos drechos llingüísticos de los asturianos y solicita de la mesma:

  1. «Encamentar a la Xunta Elleutoral Provincial pa que faiga los mandaos afayaízos pa qu’esta situación d’anormalidá pa col asturianu se corrixa urxentemente y que se garantice l’acoyía de los escritos na nuesa llingua pa evitar asina les discriminaciones que vienen sufriendo los falantes ca vegada que la quien usar nos procesos elleutorales.
  2. Del mesmu mou, encamentamos a la Xunta Elleutoral Provincial que garantice con procuru nos colexos elleutorales la validez de les papeletes impresess en llingua asturiana y dea conocencia a los asturianos y asturianes de la posibilidá de votar na so llingua.»

Hai de remembrar qu’Andecha Astur foi la única candidatura que validó les papeletes en llingua asturiana -gracies a la sentencia que ganó nel Tribunal Costitucional nel 2.000- por más qu’en convocatories anteriores ello supunxo la illegal retirada ya invalidación de les papeletes en dellos colexos elleutorales.

Precisamente l’escritu que motivó l’incumplimentu de la XEP a la sentencia del Tribunal Costitucional, dempués de 19 años almitiendo escritos en llingua asturiana, pretendía garantizar que nesta pasada convocatoria se garantizara la llegalidá vixente y nun se retiraran nin anularen les papeletes d’Andecha Astur.

Deja un comentario

Tu dirección de correo electrónico no será publicada. Los campos obligatorios están marcados con *