Inicio > Asturies > Homenaxe en Tarna al Conseyu Soberanu d’Asturies y Llión
AsturiesPortada

Homenaxe en Tarna al Conseyu Soberanu d’Asturies y Llión

Esti domingu 21 d’Agostu, Andecha Astur  homenaxea la Declaración de Soberanía del Conseyu d’Asturies y Llión, cola que s’independizaba a tolos efeutos de la República Española.

El 24 d’agostu de 1937 los asturianos independizábense de fechu y dafechu de la República Española, proclamando’l Conseyu Soberanu d’Asturies y Llión, entamando un procesu hestóricu que-y valió  la so reconocencia a nivel internacional, enfrentándose al exércitu franquista español y a los sos alliaos alemanes ya italianos. Sicasí, la República española antepunxo esplícitamente la xunidá d’España a la llucha antifacista, llegando a pidir la rendición y a considerar un alliviu l’acupación d’Asturies poles tropes facistes.

L’actu tendrá llugar el sábadu 21 d’agostu nel Puertu Tarna. A les 10:00 xubiráse a les trincheres de L’Abidular – Filispardi y a les 13:00 tendrá llugar l’homenaxe propiamente dichu al pie del monumentu que fai alcordanza d’esta hestórica declaración que dio aniciu a la cabera istitución democráticamente escoyía polos asturianos.

Con esti actu homenaxease la hestórica declaración, fecha’l 24 d’agostu de 1937, pola que’l Conseyu d’Asturies y Llión declarábase soberanu ya independiente de la República española:

«Artículul 1.- El Conseyu Interprovincial d’Asturies y Lleón, de magar la fecha y hora de la promulgación d’esti decretu, costitúise en Conseyu Soberanu de gobiernu tol territoriu de la so xurisdición y a elli queden dafechamente sometíes toles xurisdiciones y muerganismos civiles y militares que foncionen o vaigan foncionar de secute dientru’l mentáu territoriu.»

 

Esta proclamación soberanista permitió qu’Asturies entamare un auténticu procesu revolucionariu y se defendiera heróicamente del exércitu facista español/italianu/alemán, pero enxamás nun cuntó cola aprebación de la República española, que llegó a considerar un alliviu l’acupación d’Asturies poles tropes facistes énte la posibilidá de qu’Asturies fuere reconocía internacionalmente como nación independiente, talo como solicitó formalmente Belarmino Tomás, Presidente del Conseyu Soberanu, a la Sociedá de Naciones.

La falsa transición política cola que continuó’l franquismu non solo nun permitió recuperar esta auténtica istitución d’autogobiernu, sinon qu’impunxo dende Madrid –ensin que’l Pueblu Asturianu pudiere votalo- un “Principado” y un Estatutu descontestualizáu hestoricamente y sociolóxicamente ayenu a la sociedá asturiana, condergándomos a la situación de colonialismu que carecemos anguañu.

 

One thought on “Homenaxe en Tarna al Conseyu Soberanu d’Asturies y Llión

Deja una respuesta

Tu dirección de correo electrónico no será publicada. Los campos obligatorios están marcados con *