Inicio > Asturies > Andrés Solar, dixebra y socialismu
AsturiesCultura asturianaLlaboralLlingua AsturianaPortada

Andrés Solar, dixebra y socialismu

Nel homenaxe a Andrés Solar destacóse la so calidá humana y el fondu compromisu social y nacional del ‘poeta d’Asturies’

Llucía Fernández, na so intervención al delláu de la placa qu’honra a Andrés Solar na muria del cimenteriu Deva, destacó la trescendencia de la so figura y definió a esti hestóricu nacionaliegu como ‘poeta d’Asturies, lluchaor pola dixebra y el socialismu’.

L’actu, nel que se fexo un pasiellu d’asturines y nel que, al son de la gaita, procedióse a posar una flor enriba una asturiana a los pies de la placa que lu recuerda, foi d’una intensa solemnidá y nelli féxose un rápidu repasu de los munchos méritos d’Andrés, escomenzando pol fechu de ser miembru fundaor del Ensame Nacionalista Astur, y siguiendo pola so intensa obra lliteraria, destacando la so calidá humana y el so fondu compromisu social y nacional, que tan bien espeyen los sos conocíos versos:

  “Prúyemos un pueblu llibre

 que nome cola so voz

 los sos collacios y el pan

 prúyemos un pueblu llibre

 y una Asturies dixebrá”

 

A la fin, un actu peremotivu, apináu d’esperanza y compromisu, col que los los nacionaliegos/es  honramos un añu más a una de les  principales figures de la nuesa hestoria recién.

Deja un comentario

Tu dirección de correo electrónico no será publicada. Los campos obligatorios están marcados con *