El Díi de la Nación Asturiana punxo les bases de lo que tien de ser una alternativa asturiana d’izquierda con capacidá de tresformación social
Dellantre la Xunta Xeneral, y baxo’l llema y el comencimientu de qu’Otra Asturies ye Posible, la concentración convocada conxuntamente por Andecha Astur, CSI (Corriente Sindical d’Izquierda), Mocedá Comunista, JCE (m-l) y Famyr, foi toa una amuesa de capacidá y de voluntá d’entendimientu ente la izquierda asturiana a la gueta d’una Asturies que non solo sabemos posible, sinón necesaria.
Nel actu políticu tuvo llugar la llectura del testu de consensu, fecha por Irene Orviz (Corriente Sindical d’Izquierda) y Llucía Fernández (Andecha Astur) que supunxo toa una declaración de principios por parte los participantes, que dempués de faer un analís de la situación na que s’afaya Asturies y de lo que pue esperase del ‘Principado’, del gobiernu de Barbón y de los sos cómplices, defendió la necesidá de siguir lluchando por esa Otra Asturies, «roxa, y verdi, y violeta… y multicollor» y definió una estratexa d’actuación xunitaria empobinada a lo que tien de ser un frente común asturianu d’izquierda con capacidá de tresformación social.
INTERVENCIÓN POLITICA DEL DÍI DE LA NACIÓN ASTURIANA’22
One thought on “Faciendo posible esa ‘Otra Asturies’”