Andecha Astur llama a participar na concentración de solidaridá col Pueblu Palestín entamada pol Comité de Solidaridá cola Causa Árabe, el prósimu xueves 19 d’ochobre na Plaza Tomás y Valiente, de Xixón.
Frente a la xabaz masacre que ta careciendo’l pueblu palestín por parte d’Israel, cola comnivencia, cuando non complicidá del llamáu ‘mundiu llibre’ Andecha Astur pide movilizase pola fin de la guerra y por una solución dialogada.
Camentamos que ye urxente aparar la inxustificable masacre de población civil en Gaza, porque la escalada del conflictu traerá de resultes mayores desgracies. Aparar la guerra y una resolución xusta y democrática del conflictu, atalantado que la Comunidá Internacional tien qu’obligar al Estáu d’Israel a cumplir les resoluciones de la ONX y llindar les sos actuaciones al diálogu y la negociación política, que garantice la llibertá de Palestina y la fin de l’acupación.
La movilización y la presión social ye la principal aportación que se-y pue faer al Pueblu Palestín y a la so llibertá, y tenemos que facelo como asturianes/os que tamién lluchamos pola libertá d’Asturies, y qu’aspiramos a un mundiu xustu formáu por pueblos llibres y soberanos.
