Una representación d’Andecha Astur formará parte de la dellegación internacional nel manifestamientu ‘Nazioa gara’ (‘Somos una nación’) nel que ser reclamará abrir el debate de la territorialidá.
Nel actu participarán los miembros de la coallición ‘Agora Repúbliques’ de la que forma parte Andecha Astur, lo que permitirá afitar contautos, valorar el camín andáu y dir tresnando les prósimes elleiciones europees.
El manifestamientu tendrá llugar el 18 payares, en Bilbo, nun momemntu mui particular nel que se concreta una nueva llexislatura na que’l bloque que caltién al Gobiernu español tien un marcáu calter plurinacional, y nel que queda bien nidio que l’Estáu de les autonomíes ta en cris, y ye inevitable’l debate sobro la territorialidá del Estáu,
Precisamente esi enfotu n’abrir el debate de la territorialidá ye la sidra de la convocatoria d’esti sábadu, porque la izquierda española llega a elli obligada, y les dreches y les ultradreches costitúin una menacia continua d’involución.
Tamién habrá tiempu na movilización pa demostrar la solidaridá con Palestina, y la reivindicación de les figures de Josu Muguruza y Santi Brouard, dos militantes políticos asesinaos pol terrorismu del Estáu».
Ente los miembros de la dellegación internacional atoparánse representantes d’ERC, BNG, Puyalón y Ahora Canarias, que xunto con EH Bildu y Andecha Astur conformen la coallición ‘Agora Repúbliques’ y espérase qu’ello permita facer una valoración conxunta del llabor que se vien faciendo, y escomenzar a tresnar lo que sedrán les prósimes elleiciones europees.
