Inicio > Conceyos > Andecha Astur lleva al Senáu’l carbón de la sablera de Xixón
ConceyosMediu Ambiente

Andecha Astur lleva al Senáu’l carbón de la sablera de Xixón

Andecha Astur vien de presentar una riestra d’entrugues empobinaes a esclariar l’orixe del carbón qu’apaez na sablera de San Llorienzu.

Les entrugues presentóles Jon Iñarritu, senador de EH Bildu –organización coalligada con Andecha Astur en Los Pueblos Deciden- y al traviés d’elles pretende determinase cual ye l’orixe del carbón que ca pocu vien apaeciendo na sablera de San Llorienzu de magar el fundimientu del Castillo de Salas, y que nos tiempos caberos vien atribuyéndose tamién a la descarga de carbón nel puertu d’El Musel , ya inclusu al parque carbones.

Trenta y dos años dempués del embarrancamientu del Castillo de Salas, y por muncho que la corporación municipal d’entós (PSOE, con Areces d’alcalde) quinxere quita-y importancia a les consecuencies de la mala xestión que prevocó el vertíu de tonelaes de carbón a la mar, lo cierto ye que sigue apaeciendo periódicamente contaminada la sablera con carbón.

La desinformación ye xeneralizada, con contradiciones nes versiones del Incar –Instituto nacional del carbón- y del propiu Ayuntamientu Xixón,polo qu’ Andecha Astur entrugó al Senáu español sobro:

  • La esistencia d’estudios respeutu a la procedencia d’esti carbón
  • Les conclusiones d’esos estudios
  • De nun haber conclusiones al respeutu, los pasos a dar pa determinar l’orixe d’esi carbón

A la muera de qu’ello pueda permitir determinar responsabilidaes por estos fechos –acullá de les polítiques-, y puedan tomase les midíes afayaíces pa iguar esta situación.

FAI UNA PROPUESTA

La to direición de corréu lletrónicu nun sedrá espublizada. Los campos obligatorios tan marcaos con *