Inicio > Asturies > 1 Mayu. ¡Por un marcu asturianu de rellaciones llaborales!
AsturiesLlaboralMás noticiesMocedáPortada

1 Mayu. ¡Por un marcu asturianu de rellaciones llaborales!

Andecha Astur llama a movilizase’l Primeru Mayu por un marcu asturianu de rellaciones llaborales, escontra la Reforma Llaboral, la precarización del trabayu y la emigración forciada de la mocedá asturiana.

Andecha Astur llama a participar nel manifestamientu convocáu pola CSI, CNT, CGT y SUATEA pa esti miércoles 1 de mayu a les 12 hores na Casa Sindical de Xixón xunciendo a les reivindicaciones pa esta xornada la demanda d’un marcu asturianu de rellaciones llaborales que permita a les asturianes y asturianos avanzar haza una sociedá más xusta con Asturies como marcu específicu d’actuación.

Dientru d’esi marcu sofitamos los frentes d’aición marcaos pa esta convocatoria:

  • Llaboral: Escontra la Reforma Llaboral española, la precariedá, la perda de drechos y l’amenorgamientu del poder alquisitivu, escontra los acidentes y los sos responsables.
  • Social: Escontra la desigualdá social, la probitú enerxética, les desfiucies y la emigración forciada.
  • Represión: Escontra un códigu penal coercitivu, escontra les lleis represives, escontra la represión llaboral y a favor de los drechos y lliberates fundamentales.
  • Política: Escontra les polítiques neolliberales y autoritaries, pola sostenibilidá, la distribuición de la riqueza, l’autodetermín y l’autoxestión.
  • Feminismu: Por una igualdá efeutiva de drechos y oportunidaes, escontra la violencia machista y pola consecución de polítiques sociales que garanticen la conciliación familiar y llaboral.

FAI UNA PROPUESTA

La to direición de corréu lletrónicu nun sedrá espublizada. Los campos obligatorios tan marcaos con *