Inicio > Asturies > Denunciada la distribuición de papeletes d’ANDECHA ASTUR defeutuoses
AsturiesPortada

Denunciada la distribuición de papeletes d’ANDECHA ASTUR defeutuoses

ANDECHA ASTUR denunció ente la Xunta Elleutoral Central d’Asturies –XEC-que les papeletes d’ANDECHA ASTUR que tan facilitándose pal votu per corréu tan mal guillotinaes, lo que pue suponer la so invalidación.

ANDECHA ASTUR foi informada  por elleutores que solicitaron la documentación correspondiente pa exercer el votu per corréu na xorná elleutoral del 26 de mayu, que tán llegándo-yos papeletes d’ANDECHA ASTUR mal guillotinaes, comu se pue comprebar na semeya que s’axunta.

Ello supón que nel díi la votación ello pue dar llugar a que les meses elleutorales consideren nulos esos votos, y per otru llau, la distribución d’esti tipu papeletes mal feches da una mala imax de la organización política qu’apaez na papeleta, dificultando abondo la reconocencia los candidatos ya induciendo a nun votar a esa organización.

Ye por ello polo qu’ANDECHA ASTUR presentó la correspuendiente denuncia ente la XEC pidiéndose-y que:

  • Comprebe les papeletes impreses d’ANDECHA ASTUR, retirando aquelles que tean mal guillotinaes o tengan dalgún otru defeutu de forma.
  • Que la Xunta Elleutoral Central d’Asturies informe espresamente a toles meses elleutorales de que, d’alcontrase nel escrutiniu papeletes d’ANDECHA ASTUR mal guillotinaes, tien de prevalecer la voluntá l’elleutor de votar a esa organización, considerando un defeutu ayenu a la so voluntá’l mal guillotináu, resultando válidos tolos votos d’estes carauterístiques.

FAI UNA PROPUESTA

La to direición de corréu lletrónicu nun sedrá espublizada. Los campos obligatorios tan marcaos con *