Inicio > Asturies > Escontra la probitú infantil
Asturies

Escontra la probitú infantil

Andecha Astur de Xixón sofita a les families que vieron refugada la so solicitú d’Aída escontra la Probitú Infantil del Ayuntamientu, y Sonia D. González desixó midíes imediates pa finar cola probitú que menacia a ún de ca tres neños asturianos.

Tres la denegación pol Ayuntamientu de Xixón d’aídes escontra la Probitú Infantil, qu’afeutó alrodiu de 1.400 families de les más de 1.800 que les solicitaren, pesia cumplir colos requisitos precisos, altricando falta de presupuestos municipales, Andecha Astur fexo llegar el so sofitu a la Plataforma d’afeutaos, desixendo una revisión imediata de les aídes refugaes.

Arriendes d’ello, Sonia D. González, responsable de la estaya de Muyer y Reciella d’A.A, desixó que se tomen midies inmediates, tantu a nivel de conceyu como de toa Asturies, p’atayar el grave problema de probitú de la reciella que mos asola: “Acordies l’informe d’UNICEF nel 2.015, un de ca tres menores n’Asturies viven en condiciones de probitú, pero somos coscientes de que dende esa fecha esi porcentaxe nun fizo sinon xorrecer, ensin que los que son políticamente responsables de torgar el problema s’esmolecieren lo más minimo”.

Nel mesmu sen amestó que nun pue consentise “qu’aquellos que representen el futuru’l país vivan la primer etapa de les sos vides en condiciones de vida mui inferiores a les necesaries pal so correchu desendolcu, col evidente perxuiciu qu’ello acarreta. Alcontramos vergoñoso qu’esto ocurra demientres s’esbardien millones, se consiente el robu a manes enllenes  ya l’enriquecimientu desmidíu de determinaes clases y nel casu de Xixón, cenciellamente, se caltienen les perres dedicaes a Bientar Social retenies nes arques del Ayuntamientu”.

Deja una respuesta

Tu dirección de correo electrónico no será publicada. Los campos obligatorios están marcados con *