Inicio > Xunión Europea > Interesantes contautos en Cornualles
Xunión Europea

Interesantes contautos en Cornualles

Valoración enforma positiva de la dellegación asturiana a Cornualles, quedando abiertes víes de collaboración de magar les qu’avanzar conxuntamente.

Los contautos cola organización política Mebyon Kernow (Fíos de Cornualles), al traviés del so diputáu nel parllamentu córnicu, Andrew Long, ún de los doce representantes d’esti partíu nel mencionáu parllamentu que cunta con 123 escaños, resultaron especialmente interesantes, asina como conocer les posibilidaes qu’ufierta l’Allianza Llibre Europea, cola que la coallición europea na que s’afaya Andecha Astur, Los Pueblos Deciden, guarda una estrecha rellación.

La ponte na que se sacó la semeya con Andrew Long ye’l Polson Bridge;  tien importancia porque solía ser el pasu fronterizu principal ente’l norte de Cornualles ya Inglaterra.

Andrew Long desplicó que: «El gobiernu británicu decidió reducir el númberu de diputaos nel parllamentu de 650 a 600, lo que sinifica que baxo les nueves cifres, Kernow tendría 5’4 diputaos. Asina que, escontra la opinión del Conceyu, la mayoría de los partidos políticos y la xente -nun somos una esceición-  tendremos que compartir un escañu sobro la ponte. Por eso decidiéramos facer un actu ellí fae pocu pa destacalo»

Deja una respuesta

Tu dirección de correo electrónico no será publicada. Los campos obligatorios están marcados con *