Inicio > Xunión Europea > Importantes avances na Xunión Europea
Xunión Europea

Importantes avances na Xunión Europea

Los conceyos calteníos polos nuesos representantes na so visita al Parllamentu Européu amuesen el camín a siguir p’avanzar na totalidá de les cuestiones trataes.

Tres d’una intensa selmana de conceyos, alderiques y alcuentros, la dellegación d’Andecha desplazada a Bruseles pa tratar dellos temes col nuesu  eurodiputáu de Los Pueblos Deciden, Josu Juaristi y coles comisiones europees correspondientes, torna del Parllamentu Européu col comencimientu de tener fecho bonos avances y, lo que ye más importante, de tener nidio los vinientes pasos a dar.

Los principales temes trataos son el problema de la Contaminación del aire d’orixen industrial, la oficialidá de la Llingua asturiana y la pidición de la intervención de la OLAF nel marafundiu de los fondos mineros. Amás, al coincidir con una representación de los perxudicaos  pol escape de mercuriu d’AZSA, Andecha Astur aprofitó pa ufri-yos el so sofitu en tolo que precisaren y pa dar la robla del nuesu eurodiputáu na cuestión plantegada al parllamentu européu pola so indefensión mélica.

Pente los acuerdos algamaos ta’l compromisu de reclamar a la Xunión Europea una rempuesta so la Oficialidá de la Llingua Asturiana, al traviés d’una entruga parllamentaria y l’aniciu de los trámites pa solicitar a la OLAF (Organización Europea de Llucha contra’l Fraude) la so intervención nel casu de los Fondos Mineros asturianos.

Un de los conceyos más importantes foi el de Llucía F. Marqués con Roel HOENDERS (Oficial européu de política  de Calidá del aire y emisiones industriales) y Michael KLINKENBERG  (Oficial européu de proyeutu científicu / téunicu), nel que s’apurrieron a la comisión europea datos actualizaos, gráficos y semeyes del problema ambiental que carecemos n’Asturies, información pola que s’amosaron perinteresaos, ya que d’avezu la información aporta a ellos con muncho retrasu y exclusivamente a traviés de calces oficiales, ello ye, enforma sesgaos.  

Amás d’Andecha Astur, dellegaciones de Unión del Pueblo Canario (UPC) y de los aragoneses de Puyalón –organizaciones tamién ensertaes en Los Pueblos Deciden.- acudieron estos díis a Bruseles a presentar les sos respeutives demandes y compartir entre toos les sos esperiencies nacionales.

Deja una respuesta

Tu dirección de correo electrónico no será publicada. Los campos obligatorios están marcados con *