Una dellegación d’Andecha Astur aconceyó con representantes de esta formación política coincidiendo cola Asamblea Nacional de la mesma en Bilbo.
Dientru de la dinámica internacional d’Andecha Astur y de les rellaciones con organizaciones amigues, una dellegación d’Andecha Astur aconceyó con Alternatiba -formación integrada en EH Bildu, y per ende miembru de la coallición Agora Repúbliques- el mesmu díi en qu’esta cellebraba la so Asamblea Nacional, na qu’ente otres custiones valoró los resultaos elleutorales y la necesidá de poner en marcha les llines estratéxiques “pa llegar a gobernar les istituciones principales d’esti país”.
Nel aconceyamientu punxéronse en común les respeutives valoraciones de les pasaes elleiciones, compartiéronse esperiencies y dinámiques polítiques, afitándose líinies de collaboración, incidiendo sobro tou na necesidá d’articular de forma efeutivo’l llabor d’Agora Repúbliques, tantu a nivel del Congresu y Senáu español como de la Xunión Europea.
Nel aconceyamientu participaron María del Río y Josu Estarrona, dambos miembros de la Cordinaora Nacional d’Alternatiba y responsables d’Aliances Polítiques y esti últimu parllamentariu vascu, qu’apaecen na semeya acompañando a Mariu Arbesú, de la Xunta Executiva d’Andecha Astur
