Inicio > Asturies > Memoria hestórica asturiana en Larrabetzu
AsturiesPortada

Memoria hestórica asturiana en Larrabetzu

Los milicianos asturianos topen nesti pueblu d’Euskal Herria la reconocencia que-yos ñega la izquierda española n’Asturies.

Los más de 130 milicianos asturianos del Batallón Sama que morrieron lluchando escontra’l facismu en Larrabetzu, nomaos Ciudadanos d’Honor por esi mesmu ayuntamientu fueron ayeri homenaxeaos en Larrabetzu nuna xornada na que se xubió a la fuexa común na viesca de Bolumburu y rializóse un sentíu homenaxe nel so honor al pie del monolitu que los recuerda.

Nun faltó la representación d’Andecha Astur que vien participando dende un entamu nesti actu, nin la de l’asociación Famyr, convocantes tamién del homenaxe, nin la de los vecinos y vecines de Larrabetzu que recuerden asina a estos asturianos que morrieron ellí na defensa de la llibertá, frente al facismu español.

Arriendes d’ello, la memoria de Nieves, republicana comunista asturiana, finada esti añu y comprometía dende un entamu con esti actu, acupó bona parte del protagonismu, recordándose la so hestoria y la so figura, un exemplu de llucha y trabayu militante.

Pela so parte Martxelo Álvarez,  d’Ahaztuak, entamaores d’esti actu dende 2013, de lo que se trata ye de recuperar la memoria hestórica política, non lsolo la hemana nin la de les circustancies coles que munches vegaes s’intenta tapecer el porqué d’estes muertes, d’estos asesinatos, “porque estes presones morrieron por unes idegues polítiques, y eses idegues polítiques son la base de la memoria hestórica”. Nel mesmu sen destacó’l llabor cómpliz del PSOE y animó a pasar a una memoria hestórica “ofensiva”, que denuncie y nun tolere que pase inalvertía la complicidá de los que, como’l PSOE, son responsables de tapecela.

 

Deja un comentario

Tu dirección de correo electrónico no será publicada. Los campos obligatorios están marcados con *