Inicio > Asturies > ¡Hai qu’Andechar! ¡Hai qu’Andechar!
AsturiesLlaboralPortada

¡Hai qu’Andechar! ¡Hai qu’Andechar!

Asturies sigue siendo la única “comunidá” del Estáu que destrúi emplegu, resultáu de décades de polítiques de destruición del texíu socioeconómicu asturianu que lleva a cabu’l Reinu d’España cola collaboración de los sos secuaces del “Principado”

Nun lo diz Andecha Astur, dizlo la postrer Encuesta de Población Activa (EPA): Asturies perdió 10.000 emplegos nel postrer añu, y xorrez el númberu de paraos de llarga duración, mentes que la población activo reduzse más de 1,3%, quedando a más d’ocho puntos de la media estatal, y como siempres, estos datos son entá piores pa les muyeres y los menores de 25 años.

Unos datos que falen por sigo mesmos y qu’amás afiten que per segundu trimestre consecutivu Asturies ye la única “comunidá” que destrúi emplegu, a lo qu’hai d’amestar l’incrementu de más d’un puntu de la tasa de paru, la cayía de la población activa, reducía en 6.000 presones nun solu añu, y la perda de 3.900 presones n’edá de trabayar nel postrer añu, la pior parte llévenla los asturianos ente los 25 y 44 años, la franxa d’edá que perdió 14.200 trabayaores, siendo la que tien los niveles más altos d’emigración de toa Europa.

Nun lo diz Andecha Astur, dizlo la EPA. Lo que diz Andecha Astur ye que frente a esa rialidá nun podemos permitir que sigan vendíendomos cuentos, nun podemos permitir que se mos diga que son casualidaes, que ye temporal o que ye frutu de l’aplicación de criterios neo-lliberales na economía (¿a los otros nun se-yos apliquen esos criterios?).

A estes altures ye innegable que la situación que carez Asturies ye consecuencia de les polítiques de destruición industrial y del texíu socio-económicu asturianu qu’aplica sistemáticamente’l Reinu d’España cola collaboración indispensable de los sos secuaces del “Principado”.

Por eso, lo que diz Andecha Astur ye qu’hai qu’Andechar. Tenemos que ser quien a xuncir esfuercios nun proyeutu común viable y creyible, que permita a la sociedá asturiana llibrase del xugu xenocida que mos impón l’Estáu español.

Nun hai otra, ¡Hai qu’Andechar!

Deja un comentario

Tu dirección de correo electrónico no será publicada. Los campos obligatorios están marcados con *