Inicio > Asturies > ¿Y si agora votes por Asturies?
AsturiesPortada

¿Y si agora votes por Asturies?

Andecha Astur entama la campaña preelleutoral llamando a ponela en clave asturiana

La campaña ta especialmente dirixía a esa mayoría d’asturianos que siguen poniendo’l so enfotu en partíos políticos españoles, por más que tanto estos como’l sistema que los sofita van de fracasu en fracasu y resulten inútiles a la hora de dar rempuesta a les aspiraciones de progresu, sociales, y nacionales del Pueblu Asturianu

“Ye una llamada a pensar n’Asturies y dexar d’actuar como siervos de Madrid” afirmó Ana Fernández, candidata d’Andecha Astur al Senáu amestando que «ye una llamada a pensar n’Asturies y en clave asturiana. A pensar lo qu’Asturies y los asturianos precisamos y que los partíos españoles enxamás nun van conseguir, por más qu’elleición tres elleición sigan prometiéndolo».

Nesi sen, la precampaña recueye dellos aspeutos del programa d’Andecha Astur y presenta estes elleiciones como una oportunidá pa replantegase’l votu y apostar pol proyeutu de vindicación nacional y de tresformación social qu’ufierta Andecha Astur a la sociedá asturiana, frente a la dependencia y la sumisión de les sucursales españoles n’Asturies.

One thought on “¿Y si agora votes por Asturies?

Deja un comentario

Tu dirección de correo electrónico no será publicada. Los campos obligatorios están marcados con *