Inicio > Asturies > Mariu Arbesú: Ocupemos l’espaciu la izquierda y l’espaciu d’Asturies
AsturiesPortada

Mariu Arbesú: Ocupemos l’espaciu la izquierda y l’espaciu d’Asturies

Unes reflexones que se me ocurren collacies/os:

Entama la campaña y aunque aparentemente ye una campaña «poco importante», «que nun va mucho con Asturies» y na que desanima un poco participar por embargu, quería animavos a participar dafechu y voi dicir porqué: Porque hai qu’ocupar espaciu.

Una compañera mía de trabayu díxome ayeri que taba preocupada porque vio-y al so fiu de 16 años una semeya d’una bandera España franquista puesta como foto perfil d’un grupu whatsapp d’amigos. Esto ye en Ribeseya pero podía ser Candás, Noreña, Xixón…

Nun podemos dexar a la nuesa mocedá ensin referentes políticos na cai, nes redes sociales y tampocu nes elleiciones el día de dir a votar por primer vegada.

Cada pegadiella que peguemos, cada pintada que faigamos, cada pancarta, cada cartel que pongamos, cada vidiu que espublizemos, cada semeya o noticia que compartamos, cada like que demos a la campaña, cada retweet que faigamos ye importante porque ye poner a dimposición de la xente y de la mocedá una referencia asturiana y d’izquierda, una voz diferente a la voz oficialista, ye poner un trocin de verdá, ye ser una alternativa al españolismu xabaz y al capitalismu ente tanta desinformación y manipulación.

La xente necesita referencies: persones y organizaciones que tean dimpuestes a ser visibles, a ocupar espaciu, a lliderar los cambios políticos y sociales que necesita la sociedá asturiana. Y si nós nun asumimos esa responsabilidá vendrán otros a facelo.

Nun ye tiempu de quedase mirando, nun ye tiempu de ver la vida pasar. L’espaciu que nós nun ocupemos otros vendrán a ocupalu.

Poro, cada pequeña aición val pa ocupar esi espaciu y convertimos na referencia, ocupemos espaciu na cai, nos medios, nes redes sociales, nos movimientos y nes organizaciones polítiques como Andecha Astur.

Ocupemos l’espaciu la izquierda y l’espaciu n’Asturies

Deja un comentario

Tu dirección de correo electrónico no será publicada. Los campos obligatorios están marcados con *