Inicio > Asturies > El Congresu llama a reformar l’estatutu pa reconocer la oficialidá
AsturiesLlingua AsturianaPortada

El Congresu llama a reformar l’estatutu pa reconocer la oficialidá

El Proyeutu Non de Llei presentáu y defendíu por EH Bildu, compañeros na coallición Agora Repúbliques, valió pa dexar n’evidencia la falta compromisu democráticu del PSOE, pero tamién p’avanzar haza la Oficialidá del asturianu.

Anque’l PSOE votó col PP y con Vox escontra’l PNL pal cumplimiento cola Carta Europea de les Llingües Minorizaes -presentada nel Congresu por español EH Bildu col sofitu d’otros 5 grupos parlamentarios, y defendía por Mertxe Aizpurúa- a la fin consiguióse que s’aprobaren trés de los puntos presentaos:

  • Dar puxu y sofitu a les reformes estatutaries pa la oficialidá de les llingües propies qu’entá nun son oficiales nuna parte o la totalidá del territorio onde se falen.
  • Permitir l’usu alministrativu d’estremaes llingües ente territorios del mesmu espaciu llingüísticu dientru y fuera de les llendes alministratives, ensin barreres y firmando alcuerdos pa la recpción recíproca de medios de comunicación dientru d’esos espacios llingüísticos.
  • Respetu rial, basáu en drechos y deberes na actuación comprometía de tolos poderes del Estáu

Hai de remembrar que tantu l’Estatutu autonómicu, como la propia istitución del «Principado» fueron impuestes dende Madrid  a los asturianos y asturianes, nun permitiéndosemos el drechu democráticu de pronunciamos en refrendum sobro elli, y furtiándomos la recuperanza del Conseyu Soberanu, postrer istitución democrática asturiana previa al franquismu.

Deja una respuesta

Tu dirección de correo electrónico no será publicada. Los campos obligatorios están marcados con *