Inicio > Asturies > Andecha Astur llama a movilizase’l 1 Mayu
AsturiesLlaboralPortada

Andecha Astur llama a movilizase’l 1 Mayu

L’andanciu del Covid nun pue ser pretestu p’amenorgar los drechos de les y los trabayaores asturianos mentes el PSOE sigue incumpliendo la so promesa de Reforma Llaboral

Na situación que carecemos, facilitada pol andanciu del Covid, onde los ertes, los despidos indiscriminaos y la precarización xeneralizada de les condiciones llaborales cunten col silenciu cómpliz de les organizaciones sindicales mayoritares y les grandes empreses amuesen una avaricia ensin llendes, cargando sobro los trabayaores el pesu d’una cris agravada pol andanciu, Andecha Astur llama a la movilización nesti 1 mayu, y a participar nes movilizaciones convocaes por CNT, CGT, SUATEA y la CSI.

Per un llau l’incumplimientu reiteráu del gobiernu d’España PSOE-Podemos de la so promesa de proceder a la Reforma Llaboral, imprescindible pa recuperar anque seya parcialmente los derechos perdíos a lo llargo de toos estos años, y per otru llau, nun contestu nel que les polítiques del Estáu español p’Asturies, cola complicidá d’un “Principado” títere, lleven a Asturies a una desindustrialización sistematizada, y al esfarrapamientu del texíu socio-económicu asturianu, col so corolariu de paru, precariedá llaboral y emigración forciada.

Por too ello faise imprescindible la movilización de los trabayaores asturianos en defensa de los sos drechos colleutivos, nuna dinámica de recuperación de puestos de trabayu, condiciones y drechos llaborales, con Asturies comu marcu específicu d’actuación.

Deja una respuesta

Tu dirección de correo electrónico no será publicada. Los campos obligatorios están marcados con *