Andecha Astur sofita’l manifestamientu del 16 de xunetu convocáu por CSI y CNT
Un Gobiernu español del PP dexómos comu regalu malditu l’endurecimientu de les condiciones llaborales, la pernomá reforma llaboral del PP. Y el gobiernu español que lu siguió (PSOE + Podemos + IU) apautó pa costituyise que’l desaniciu d’esa reforma llaboral sedría un oxetivu políticu prioritariu.
Llevamos yá media llexisllatura d’un gobiernu formáu, supuestamente, por socialistes y comunistes y la reforma llaboral del PP sigue vixente, intauta… Los fechos son los que dicen qué rialidá tamos viviendo: España nun tien un gobiernu de socialistes y comunistes, tien otru gobiernu español más, neolliberal tamién, que se pliega comu los demás a los dictaos del mercáu y el capital.Mentantu, los sindicatos del sistema (UGT, CCOO) callen, asumiendo’l so papel de cómplices.
Sicasí, los pueblos y ciudaes d’Asturies, la clas trabayaora que los habita, tienen la necesidá y la obligación de dar una rempuesta al status quo que defenden los partíos y sindicatos españoles.
Poro, abúltamos coherente y necesaria la covocatoria de manifestamientu que CSI y CNT faen pa esti vienres, 16 de xunetu, a les 17 h, con salía de la Casa Sindical de Xixón; una rempuesta na cai que va coincidir cola presencia en Xixón de la ministra de Trabayu, la podemita Yolanda Díaz.
Andecha Astur fae un llamáu públicu a participar nesti manifestamientu, sofitando la llucha del sindicalismu de clas asturianu escontra la reforma llaboral que caltién vixente’l gobiernu español PSOE + Podemos + IU.
