Andecha Astur cellebra la incorporación de voluntaes y sensibilidaes nel espaciu políticu de la esquierda asturiana
Cola sida del so Congresu Fundacional, Andecha Astur unvió un saludu a les compañeres y compañeros d’Aína, valorando que «la organización de la esquierda asturiana conforme a les diferentes sensibilidaes esistentes supón un pasu allantre no que tien de ser un frente común».
La organización de la sociedá asturiana alrodiu de principios d’esquierda asturiana soberanista y l’encadarmar un frente común ampliu que permitan ufrir a la sociedá asturiana un proyeutu viable en defensa de los sos llexítimos drechos presonales y colleutivos ye un oxetivu principal p’Andecha Astur, que camienta que con esta nueva incorporación pue vese reforciáu.
El saludu unviáu diz asina diz:
«A les compañeres y compañeros d’Aína nel so Congresu Fundacional
Andecha Astur allégrase de la incorporación de nueves voluntades a la xera político en defensa de los drechos individuales y colleutivos del pueblu asturianu.
La organización de la esquierda asturiana conforme a les diferentes sensibilidaes esistentes supón un pasu allantre no que tien de ser un frente común qu’ufra a la sociedá asturiana un proyeutu viable, una ferramienta de progresu, recostrución nacional y tresformación social.
Colos meyores saludos».
