Inicio > Asturies > Blimes. Dinámiques xunitaries na esquierda asturiana
AsturiesPortada

Blimes. Dinámiques xunitaries na esquierda asturiana

La mayoría de les asturianes y asturianos sienten el país y considérense xente d’esquierdes. Somos mayoría. Sicasí, esa rialidá nun tien un reflexu equivalente cuandu estudiamos qué rempuestes se dan n’Asturies a los conflictos sociales y llaborales, qué proyeutos de meyora’l país surden, cómu mos defendemos de les agresiones del capital, cómu mos resistimos a los determinos impuestos dende Madrid…

A vegaes sospréndemos l’ausencia d’una rempuesta suficiente o la coesistencia de varies rempuestes cuasi iguales pero ensin rellación ente sí. Ello estrencha les siendes que mos lleven al futuru comu pueblu y comu clas trabayaora.

La nuesa tradición cultural, que reflexa’l calter d’un pueblu, xeneró fórmules de collaboración social comu la estaferia, l’andecha, la facendera, la vecera, los montes comunales… Na nuesa hestoria hebio esperiencies d’estremáu tipu que permitieron axuntar sinerxies plurales de la esquierda asturiana: Comuña Asturiana de 1934, Comités Revolucionarios de 1937, Asturies pola Paz, FUSOA, Asturies en pie…

Anguañu nun hai nel nuesu país un movimientu xunitariu que cordine la rempuesta social y la llucha pol futuru d’Asturies, pol futuru de toes y toos. Pero Asturies sí tien les blimes necesaries pa xenerar esi movimientu. Y puen texese. Ésti ye’l tema de la xorná que convocamos: “Blimes. Dinámiques xunitaries na esquierda asturiana”.

Andecha Astur entama esta xorná deseyosa de compartir análisis y propuestes con otres organizaciones y especialistes na tema, cuya participación anunciaremos dientru poco.

Deja un comentario

Tu dirección de correo electrónico no será publicada. Los campos obligatorios están marcados con *