LA XUNTA ELLECTORAL HOMOLÓ LES PAPELETES D'ANDECHA ASTUR.
Nestes elleiciones va poder votase ¡n'asturianu!
Noreña, 4 marzu 2008 La Xunta Ellectoral Provincial vien d’homologar les papeletes asoleyaes pola propia Andecha Astur pa la so distribución. Les papeletes presentaes por Andecha Astur tan dafechu en Llingua Asturiana y tres la so homologación son dafechu válides “para emitir el sufragio”, si bien les del Senáu “no podrán ofrecerse en los colegios electorales” al tar los candidatos d’Andecha Astur yá marcaos cola “X”. Por tanto, nestes elleiciones del 9 de marzu de 2008 va poder votase por primer vegada na Llingua d’Asturies coles papeletes d’Andecha Astur. Andecha Astur yá algamó en 1999 con una histórica sentencia del Tribunal Constitucional el derechu de los partíos políticos a poder presentase a les elleiciones usando la llingua del país. Dende aquella Andecha Astur vien puxando por algamar el derechu de los asturianos a poder votar na so llingua y nesi sen nestes elleiciones dióse un pasu alantre perimportante al ser los primeros comicios onde el votu n’asturianu seya perfectamente validu pa emitir sufraxu.

Andecha Astur emitirá un comunicáu oficial güei ente esta perbona noticia.

PRIMER ANIVERSARIU DEL LLAR D'ANDECHA.
Históricu actu d'Andecha Astur en Noreña.

Noreña, 1 marzu 2008 Andecha Astur cellebró esti sábadu un actu en Noreña en conmemoración del Primer aniversariu del Llar d'Andecha. Al mediu día féxose na cai un actu públicu onde participaron Pablo Pérez, candidatu al Senáu, y Bruno Gómez, candidatu al congresu. Nel actu remarcóse la importancia d'espacios propios como el Llar d'Andecha y los 10 años que en 2008 cumple l'agrupación de Noreña d'Andecha Astur.  La intervención central  corrió a cargu de Bruno Gómez quien s'encargó d'esplicar, a les decenes de persones elli aconceyaos,  por qué se presenta Andecha Astur a estes elleiciones, por qué ye la mocedá quien encabeza les llistes y, pa finar, por qué hai que votar a Andecha Astur nestes elleiciones. Tres les intervenciones polítiques entamó una espicha dientro del llar onde militantes y simpatizantes pudieron conftaternizar, enantes de siguir cola campaña elleutoral.

PONTE DE LA PRIMER LLINIA DE FERROCARRIL D'ASTURIES.
Andecha Astur destapa un escandalu d'abandonu del Patrimoniu en Noreña.
Asturies, 29 febreru 2008 El ponte de El Rebalde, desmontáu en 1996, formaba parte del trazáu de la llinea ferroviaria de “Ferrocarriles de Langreo”  naugurada oficialmente’l 25 d’agostu de 1852 ente Xixón y Pinzales y qu’en 1853 empincipió a prestar serviciu efectivu ente Xixón y Carbayín. Una ponte que formaba parte del trazáu del cuartu ferrocarril de la Península siendo’l  primeru de vía estrecha y tamién el primer ferrocarril industrial. Tamos, entós, ente una verdadera ayalga de patrominu industrial asturianu, de la historia del ferrocarril y la industrialización n’Asturies y nel restu la Península, en definitiva d’una parte de la primer llínea ferrea d’ Asturies. La ponte que tenía que ser reconstruyía alcuentrase como se ve na semeya. 

ESFARREN ASTURIES PA CONVERTILA NUNA COLONIA ENERXÉTICA
Andecha Astur opónse a más banzaos nel Ríu Navia.
Asturies, 28 febreru 2008 Ente l’entamu de tramitación alministrativa público pa facer  una nueva presa nel ríu Navia, con una cota de 289 metros y capacidá de 123 Hm3 y con una cuenca aprovechada de 1065 Km2 asociada a la construcción d’una central elléutrica na vecina Galicia, Andecha Astur quier manifestar la so opocsición dafechu nun sólo a esti banzáu, sinon tamién al que ta en proyeutu na mesma cuenca, El Salto de Sueiro –Pezós- . Andecha Astur considera que la cuenca del Navia asturianu yá ta sobresaturáu pola presión de les empresas elléutriques pal aprovechamientu de los sos recursos, cuntando con 3 grandes embalses anguaño (Salime con 266 Hm2, Doiras con 119 Hm3 y Arbon con 38 Hm3I, y los vecinos yá pudieron comprobar el fuerte impautu que supuso pa la zona, nun solo nel puru sentíu ambiental, sinon na pérdida de población de las áries direutamente afeutaes y na mengua de les rentes de los vecinos. Como dicimos, aparte d’esti nuevu banzñau en fase de tramitación, la mesma empresa (Saltos del Navia CB) tienen proyectao fecer otru nel afluente Agüeira, el Salto de Sueiro, en Pezós, este con una presa de 93 metros y con una capacidá de 60 Hm3, cuyo impauto pa estes zonas y los soss vecinos qu’intentan vivir de la agricultura y la ganadería ye tremenda.

SITUACIÓN GRAVE
Andecha Astur pide midíes p'ameyorar la calidá del aire n'Asturies.
Asturies, 26 febreru 2008 Sigún los datos ufríos pol Serviciu de Xestión Ambiental superense ampliamente los llimites de contaminación permitío. Énte los allarmantes datos sobro la Calidá del Aire n’Asturies apurríos pol Serviciu de Xestión Ambiental, nos que s’observa comu se superen los llímites de contaminación en munches de les estaciones de la RAP (Rede Automática del «Principado»), tanto no que cinca a la media diario comu a la media añal, y especialmente nel casu de partícules menores de 10 micres (PM10), Andecha Astur desixe al gobiernu del «Principado» la toma de midíes correchores concretes, remembrando qu’añu ente añu vien produciéndose esti fenómenu ensin que fasta la fecha se-y prestare la más mínima atención. Ye más, dientru la so dinámica d’inoperancia, el «Principado» recurrió a una burda maniobra de maquillaxe de datos, darréu qu’a diferencia de la práutica d’años anteriores, nesti añu nun s’aplicren los coeficientes correchores, colo que les cifres reducense un 30% pesia lo que sigue espeyándose una situación estremadamente grave no que cinca a la Calidá del Aire.

TRABAYANDO EN CUSTIONES QU'AFEUTEN A ASTURIES.
Andecha Astur aconceyó col so eurodiputáu con nueves iniciatives a nivel européu.
Asturies, 25  febreru 2008  Esti sábadu pasáu, Arturu X. Bermeyu, Secretariu Xeneral d’Andecha Astur, y Pablo Pérez, candidatu al Senáu, aconceyaren col eurodiputáu Mikel Irujo pa facer un repasu de la situación na que s’afayen los temes que se tan llevando nel Parllamentu Européu, apurrí-y les novedaes caberes y estudiar posibles víes d’actuación a siguir.

POLOS DRECHOS DE LES MUYERES.
Andecha Astur amiéstase a la convocatoria pol drechu a la llibre anticoncepción.
Xixón, 19 febreru 2008 Andecha Astur amiéstase a la convocatoria fecha por asociaciones y plataformes feministes, sindicatos y otros colleutivos pal prósimu 21 de febreru de 2008 a les 19:30 hores en Xixón, con salida na Plaza L’Humedal y acabu na Plaza l’Ayuntamientu baxu’l lema «Drechu al albuertu. Nosotres decidimos». Andecha Astur asume perdafechu el testu de la convocatoria, pero quier remembrar que la situación d’anguañu foi favorecía pola falta pallabra y l’incumplimientu de compromisos del actual presidente de gobiernu español Sr.Rodríguez Zapatero, que nes pasaes elleiciones prometió ya incluyó nel so programa elleutoral, l’aprebación d’un cuartu supuestu na Llei del Albuertu, col que pudieren tenese minimizao los efeutos d’esta campaña orquestada pol seutor más fundamentalista católicu español. A la fin, Andecha Astur, queir reiterar el so sofitu a la llibre anticoncepción y al calter públicu y gratuitu de la mesma a cargu de la Seguranza Social..

                              
Andecha Astur cellebra'l ñacimientu de la República Democrática de Kosovu.    
Asturies, 19 febreru. La organización política Andecha Astur quier espresar públicamente’l so preste pol ñacimientu, el pasáu domingu 17 de febreru, de la República Democrática de Kosovo, tres proclamar la so independencia’l Parlamentu del país balcánicu exerciendo con ello el drechu d’autodetermín qu’a tou pueblu-y asiste, reconocíu internacionalmente. Andecha Astur ve nel ñacimientu d’esti nuevu estáu la confirmación d’un procesu imparable dientro del continente européu,

      
Andecha Astur reclama la recuperanza del Plan de Llucha escontral los incendios forestales.
Asturies, 18 febreru Andecha Astur quiere amestase a les denuncies rializaes por estremaos colleutivos ecoloxistes nel sen de qu’el «Principado» dexó d’aplicar dende va meses y ensin desplicación dala, el Plan de Llucha Escontra Incendios Forestales. Lo qu’atalantamos ye amuesa de la inresponsabilidá del «Principado» que pue acarretar graves consecuencies de forma imediato, darréu que ye nos meses de febreru y marzu cuandu más incendios se producen n’Asturies.

VA TAR ABIERTU TOLOS DÍES DENDE LES 17:00 HORES.
Andecha Astur inauguró el Llar d'Andecha de Xixón.
Xixón, 11 febreru 2008 El Conceyu de Xixón d'Andecha Astur inauguró esti sábadu 9 de febderu la nueva sé social de la organzación, el Llar d'Andecha  na cai Prendes Pando). L'actu consistió nunes intervenciones a cargu de Carme Pérez y Pablo Ríos, pol Conceyu Xixón, y  de los cabezaleros de les llistes d'Andecha Astur nes prósimes elleiciones, Bruno Gómez y Pablo Pérez. Dende'l Conceyu Xixón agradecióse a los presentes, ente los que s'alcontraba una delegación del PCPE, la so presencia nun día tan importante pal Conceyu, y punxo de relieve la importancia que tien, pal proyeutu d'Andecha Astur, afitar un llugar d'alcuentru abiertu a la sociedá en Xixón. Pela so parte, los candidatos recalcaron que'l votu a Andecha Astur ye un votu a un proyectu políticu asturianu y d'izquierda, que ye necesario que tenga representación elli onde se decidan custiones qu'afeuten a Asturies. Tres les intervenciones los asistentes, y los que foron llegando a lo llargo la nueche, disfrutaron d'una espicha.

CAIS LLIBRES DE FACISMU
Andecha Astur pide-y al gobiernu PSOE-IU la catalogación y retirada de tola simboloxía facista en Noreña.
Noreña, 7 febreru 2008 Énte les declaraciones públiques del Alcalde de Noreña (PSOE) al respective d’una pintada na placa “a los caidos por dios y por España” de Noreña col llema “Facismu non” y una esvástica tachada. Onde se refier a  «este tipo de actos, absolutamente reprobables, sólo sirven para hacer daño a los familiares de las víctimas de la guerra», escaeciendose dafechu de que la propia esistencia de la placa solo sirve pa facer dañu a los familiares de les victimes de la guerra. Movilla confirmó que’l propiu ayuntamientu vien encargándose de llimpiar la placa nes otres ocasiones nas que la placa sofrió desperfectos, y que l’Ayuntmaientu gobernáu por PSOE-IU van actuar de la mesma forma nesti casu y que los servicios municipales procederíen a la mayor brevedá a llimpiar el símbolo fascista. Con too ello, l’Ayuntmaientu encargase del mantenimiento de los símbolos fascistas en vez de cumplir la Llei.

INAUGURACIÓN DEL "LLAR D'ANDECHA" DE XIXÓN
Andecha Astur presenta les candidatures esti sábadu nel nuevu Llar d'Andecha de Xixón.
Xixón, 6 febreru 2008  Andecha Astur va facer la presentación de les candidatures a les elleiciones del 9 de marzu al Congresu los diputaos y al Senáu españoles, esti sábadu 9 de febreru y nel marcu del actu públicu convocáu pa la inaguraración del  nueu Llar d’Andecha de Xixón, na cai Prendes Pando y que va entamar de magar les siete la tarde. El Conceyu d'Andecha Astur de Xixón va naugurar oficialmente'l Llar ya que'l xorrecimientu de militancia nel Conceyu "permite cumplir cola llinia política de la organización, nel sen de dotase de les infracadarmes precises que permitan una actuación politico más social, que sirva de mediu de rellación y ñeru d’iniciatives". L'apueste d'Andecha Astur por llares sociales abiertos a la sociedá afitase con esta nueva apertura en Xixón, cuando se cumple un añu de la inauguración del Llar d'Andecha de Noreña. Andecha Astur venía teniendo la so sede dende va años na cai Alvaro d'Albornoz, non mui lloñe del Llar nuevu.

ELLEICIONES
Andecha Astur preséntase a les elleiciones estatales del 9-M dandó-y protagonismu a la mocedá.
Asturies, 5 febreru 2008 Andecha Astur decidió presentase a les prósimes elleiciones estatales con llistes al Congresu y al Senáu. Andecha Astur presenta unes llistes moces, con una media d'edá de 30 años (31 nel senáu y 30 nel congresu), faciendo un apueste claro pola mocedá. Siguiendo la llinia de les elleiciones nacionales de 2007, nes que se presentó el xovén economista de 27 años, Pablo Ríos, nesta convocatoria ellectoral, Andecha Astur presenta dos candidatos mozos, abre la llista al congresu Bruno Gómez, nacíu en Xixón, tien  25 años y ye Téunicu Superior n’animación d’actividaes físico-deportives y Profesor de baille. Amás alcuéntrase estudiando Turismu y ye afiliáu a la Corriente Sindical d’Izquierda. Pela so parte, la llista del Senáu ábrela Pablo Pérez Fonseca, nacíu n'Uviéu y de 27 años ye un xoven biólogu de la especialidá ambiental. Los dos candidatos, que vienen trabayando n'Andecha Astur dende va cuasi una década y presenten pesie a la so mocedá una llarga trayeutoria de militancia social, política y/o cultural, formando parte, amás, de la organización xuvenil Darréu. Tamién na llinia de les pasaes elleiciones, el candidatu al congresu ye "llenda urbana" yá que por mor del so trabayu trabaya la metada del añu fuera del país. La mocedá amás de ser un seutor social marxináu y de los que más sufre nes sos carnes la crisis economica, social, cultural y política d'Asturies ye ensin dubia, como en cualquier país, el futuru.

XIXÓN
La especulación urbanística destruye'l patrimoniu en Xixón.
Xixón, 27 xineru 2008 La destruición va pocos meses del inmueble qu’ocupaba’l númberu 22 de la cai de la Mercé, esquina con Casimiro Velasco, obra en 1935 de Manuel del Busto, ún de los 39 edificios xixoneses incluyíu nel reciente catálogu «La arquitectura del siglo XX en España, Gibraltar y las regiones francesas de Aquitaine, Auvergne, Languedoc-Roussillon, Limousin, Midi-Pyrénées y Poiteau-Charentes» financiáu con fondos europeos, supón p’Andecha Astur una clara muestra de lo que ye la política urbanística del Ayuntamientu Xixón, onde la piqueta parez actuar ensin más criteriu que’l puramente especulativu. Andecha Astur estudia actuaciones llegales.

MEDIU AMBIENTE
Andecha Astur Presentó altriques contra'l banzáu de Caliao.
Asturies, 26 xineru 2008 Andecha Astur presentó ayeri delles altriques pa intentar aparar l´atentáu medioambiental que quieren faer si o si el gobiernu del PSOE. Nestes altriques, presentaes d´una forma conxunta cola Plataforma pola defensa de Redes, faise llegar a la Confederación Hidrográfica'l descontentu de les condiciones del procesu de participación públicu qu´amuesen les braeres intenciones d´esta istitución venceyada a los intereses escuros del gobiernu, que nun ye más qu´ún interés nulu a qu´haiga participación, yá que´l mediu de difusión d´estes convocatories foron divulgaes pol únicu grupu ecoloxista que fo convocáu. Eses condiciones, imposible d´atender poles asociaciones, yá que foron convocaes nunos horarios onde la xente pertenciente a les mesmes nun puede dir puesto que lo más de la xente ye trabayadora. A esto amiéstase la “falta d´interés por dar puxu a la sensibilización sobro la xestión del agua”.  A la fin, presentáronse un total de 7 altriques escontra'l procesu de participación y planificación, y per otru llau 17 escontra l´estudiu xeneral de demarcación.

NOREÑA- SIERU
Conceyu añal d'Andecha Astur de los Conceyos de Sieru y Noreña.
Noreña, 25 xineru 2008 Los Conceyos d'Andecha Astur de Sieru y de Noreña cellebren güei a les 7 y media de la tarde na Casa la Cultura de Noreña'l Conceyu añal onde, como ye vezu nesti tipu d'alcuentros, militantes y simpatizantes d'Andecha Astur van analizar la situación d'anguaño, les perspectives y les llinies d'actuación d'Andecha Astur en Noreña y Sieru. Nel conceyu añal tamién se revisará l'encadarmamientu organizativu d'Andecha Astur nestos conceyos y la distribución de les responsabilidaes fasta'l prosimu Conceyu añal a cellebrar l'añu que vien.

RIBESEYA
Andecha Astur felicita al Conceyu Ribeseya poles midíes en favor de la Llingua pero sigue viendo necesaries les ordenances municipales.
Ribeseya, 25 xineru 2008 El Conceyu d'Andecha Astur de Ribeseya espresó la so felicitación al gobiernu municipal poles medíes adoutaes en favor de la Llingua y cultura asturianes: La revisión del espediente topo´nímicu historica vindicación de la izquierda nacionaliega y un conveniu collaboración cola Academia de la Llingua Asturiana pa la difusión y normalización de la Llingua Asturiana. Andecha Astur sigue viendo necesaries les ordenances municipales que regulen l'usu de la llingua ya iguale en derechos a tolos ribeseyanos y ribeseyanes con independencia de cuala seya la so llingua.

REPRESIÓN
Sofitu al manifestamientu contra la represión entamáu polos sindicatos.    
Asturies, 23 Xineru. El martes 22 Andecha Astur y la organización de mocedá Darréu sofitaron el manifestamientu convocáu por CSI, SUATEA, CNT, CGT, USO y CCOO contra la represión y poles llibertaes y escontra la criminalización de les llueches sociales y sindicales. La movilización cuntó col respaldu de 5.000 persones seghún los convocantes

       

REPRESIÓN
Sofitu a los independentistes acusaos de "ultraxe a España" por facer pintaes.
Asturies, 23 Xineru El martes 22 Andecha Astur y la organización de mocedá Darréu sofitaron la concentración convocada pol muerganismu antirepresivu popular a les 10:15 hores. Los dos mozos independentistes foron condergaos finalmente a  pagar 850€ caún.

MILITANCIA
Prósimes convocatories d'Andecha Astur.
Asturies, 10 xineru 2008 El Conceyu Xeneral Estraordinariu, previstu pal pasáu 15 d’avientu pero aplazáu pola fondura de los temes a tratar y dellos defeutos de forma na so convocatoria, va celebrase’l prósimu 5 d’abril, sábadu, nel Salón d’Actos de la Biblioteca Pública Xovellanos (c/ Xovellanos, 23 – Xixón) de magar les 10’30 hores, col orde’l día que vien darréu: 1) Cambeos ya igües nos Estatutos, 2) Escoyeta de nueva Xunta Executiva y d’otros cargos de responsabilidá, 3) Ruegos ya entrugues. La prósima Xunta Xeneral va tener llugar el prósimu 2 de febreru, sábadu, nel Llar d’Andecha de Noreña (c/ Javier Lauzurica, 6, baxu) de magar les 16’30 hores. Ye enforma necesaria l’asistencia de tolos miembros de la mesma pola importancia de los temes a tratar, ente ellos el de la participación nes Elleiciones Estatales del 9 de marzu. Amás, presentaránse los documentos a aldericar nel Conceyu Xeneral Estraordinariu y afitaránse los plazos temporales pa la presentación d’enmiendes.

Calendariu de 2008.
  

VILLAVICIOSA
Concentración contra'l dragáu de la ría.
Asturies, 3 Xineru. El pasáu 22 d’avientu la Federación Asturiana de Surf y Bodyboard entamó na playa Rodiles una concentración escontra’l dragáu de la barra d’entrada a la ría de Villaviciosa. Andecha Astur tuvo presente nel actu y, amás, asoleyó un comunicáu nel qu’amosaba, otra vuelta, la so refuga a esta actuación polos intereses qu’hai detrás de la mesma, que nun son otros que los d’enanchar el númberu d’amarres pa embarcaciones d’arruelu nel puertu deportivu d’El Puntal. El dragáu de la ría, que yá foi llicitáu pela parte de la Conseyería d’Infraestructures, Política Territorial y Vivienda, según s’espublizó nel BOPA del 3 d’avientu, acabaría con una de les meyores foles pa la práutica del surf de toa Europa.

NAVA
Trabayando colos afectaos pola llinia Soto-Penagos.
Asturies, 3 Xineru A lo llargo de les selmanes caberes representantes d’Andecha Astur vienen aconceyándose colos vecinos de Sierra y El Solanu (Nava), pueblos polos que ta previsto que pase la llínia d’alta tensión Sotu-Penagos. Tres los primeros contautos, de calter informativu, dambes partes alcordaren llevar alantre delles aiciones de forma conxunta, comu les de treslladar la problemática a la Xunión Europea, al traviés del nuesu eurodiputáu d’Europa de los Pueblos, y entamar una campaña informativa a la escontra de la llínia llétrica, col comencimientu de que ye preciso torgar esta nueva xabazada, inxustificable por innecesaria y pol descomanáu dañu mediuambiental y haza la salú de les persones que prevoca.

L.LENA
Contaminación por mercuriu en L.lena.
L.lena, 20 Avientu. Andecha Astur de L.lena toma midíes pa determinar la situación mediuambiental na que s’afaya’l valle de Muñón Cimeru pola esistencia de les antigües mines de mercuriu de Soterraña (zarraes en 1973).Concretamente denunció ente la Confederación Hidrográfica esta situación, al oxetu de determinar la más que posible contaminación de les agües prevocada por mercuriu, ellementu d’alta tosicidá.Arriendes d’ello, y ente la incompentencia del «Principado» que se ñega a proceder a la descontaminación de la fastera, y l’actitú inresponsable del ayuntamientu l.lenizu que nun acaba de tomar midíes concretes, Andecha Astur procederá a rializar una campaña de denuncia d’estos fechos al oxetu de concenxar a los vecinos y de presionar a los responsables políticos que permiten el caltenimientu d’esta situación.

Da igual la mázcara...
Llangréu, 13 Avientu «Da igual la mázcara, ye siempres el mesmu cacique», ye’l llema de la orixinal campaña de denuncia d’Andecha Astur de Llangréu que pon n’evidencia la hipocresía del PSOE, la diferiencia ente les sos promeses y los sos fechos.La privatización del augua, el pieslle del llavaderu de Modesta, el casu de Menasa, Nitrastru.. l’hespital de parapléxicos, l’estrozu ecolóxicu, el pieslle de les piscines de Pénxamu y Riañu, la emigración forciada de la mocedá asturiana, la falta de vivienda, la marxinación a la llingua asturiana, les multes a mozos por denunciar estos fechos, la especulación urbanístico, el chamullu de los tarrenos de Felguera Construcciones Mecánicas y... si nun-yos lo impidimos «fadrán más», porque «pa finar coles llaceries, el meyor alcalde:EL PUEBLU

Andecha Astur pide a los conceyos de Xixón y Carreño un control de les canteres d'Aboño y Perecil respeutivamente.
Asturies, 19 Avientu Andecha Astur vien de presentar ante los Conceyos de Xixón y Carreño una propuesta na que pide al mesmu que se faiga un siguimientu y control de la situación de la cantera d’Aboño –Xixón- y Perecil –Perlora- Carreño-basándose en que’l proyeuto d’ampliación d’El Musel preveía sacar 15 millones de metros cúbicos de materiales de la cantera d’Aboño; y la de Perecil,

  
Intervención d'Andecha Astur nel Congresu del PCPE-Asturies.
Asturies, 17 Avientu. Mariu Arbesú intervinó en representación d'Andecha Astur  nel Congresu del PCPE-Asturies, dando un saludu a los collacios d'esta organzaición y espresando la voluntá d'Andecha Astur de continuar algamando puntos d'alcuentru y collaboración na xera política diaria.

Andecha Astur participa na comisión pa renomar les cais franquistes en Villaviciosa.
Asturies, 13 Avientu Andecha Astur forma parte de la comisión que se va encargar de renomar les places del Generalisimo y de Primo de Rivera. Nel grupu de trabayu participen delles asociaciones del conceyu como la Federación d'Asociaciones de Vecinos , l'Asociación d'Amiguos del paisaxe "Cubera", l'Atenéu Obreru, l'Asocación de xubilaos... y tamién les organzaiciones polítiques con presencia nel conceyu (Andecha Astur, URAS-PAS, PCPE, PSOE, IU y PP). Andecha Astur lleva años faciendo campaña activa pa que se camudaren los nomes franquistes

L’eurodiputáu d’Europa de los Pueblos intervien p’aclarar el tema y determinar responsabilidaes.
Andecha Astur lleva a la Unión Europea'l sobrecoste d' El Musel.
Asturies, 12 Avientu Andecha Astur vien de llevar delantre la Unión Europea, al traviés de Mikel Irujo, el eurodiputáu de la coalición Europa de los Pueblos de la qu’Andecha Astur forma parte, el sobrecoste de les obres d’ampliación del puertu d’ El Musel, al oxetu d’aclarar les causes d’esti sobrecoste, determinar les responsabilidaes que pudiere haber nel mesmo y esclarar si talu sobrecoste va ser asumíu pola U.E, tal como afirmen dende instancies prósimes al PSOE.Andecha Astur fexo un informe nel que se recueyen básicamente los fechos, que distribuyó entre los eurodiputados de l’Alianza Libre Europea (ALE) na que ta inscritu’l so eurodiputáu, destacando el fechu singular de que la mayor obra pública llicitada n’Asturies nin tan siquier ta suxeta a la Llei de Contratos de les Alministraciones Públiques y se alxudicare «a déu» a una UTE formada poles más importantes constructores del estáu.
  Andecha Astur lleva a la Unión Europea el sobrecoste del Musel (Asturiasverde.com)

 
Presuntu delitu ambiental por vertíos 
Abiertes dilexinecies penales contra HC por mor d'una denuncia d'Andecha Astur.
Asturies, 09 Avientu. El Xulgáu d’Istruición númberu 1 de Gráu vien d’abrir dilixencies penales escontra la empresa HC Enerxía por un supuestu delitu ecolóxicu por mor de los vertíos de basa efeutuaos al ríu Somiéu en setiembre de 2006. La denuncia féxola Andecha Astur de magar el supuestu vaciáu de los dos banzaos de Somiéu y Salienza que la empresa posee na fastera conocía comu La Malva.

Caltiénse convocatoria como Conceyu Preparatoriu
Aplazáu'l Conceyu Xeneral Estraordinariu.

Asturies, 13 Avientu La gran variedá y fondura de los temes a tratar, xuncío a dellos defeutos de forma fixeren aconseyable retrasar esti Conceyu Xeneral pa garantizar una perfecha convocatoria y un alderique lo más fonderu posible nel que se garantice la intervencion del conxuntu la militancia.

Andecha Astur aconceyó col so eurodiputáu d'Europa de los Pueblos.

Les problemátiques de la ZALIA de Xixón, el puertu de El Musel, los banzaos de Caliao y Arbón y la rede elléutrica Lada-Velilla foron dalgunos de los temes trataos nel alcuentru

Asturies, 08 Avientu A finales del mes de payares, y nel marcu d’unes xornaes de trabayu entamaes por Eusko Alkartasuna (EA) en La Guardia (Álaba), representantes d’Andecha Astur caltuvieron un alcuentru con Mikel Irujo, eurodiputáu d’Europa de los Pueblos, coalición de la que forma parte Endecha Astur, col obxetivu d’estudiar futures iniciatives que permitan llevar ente la Unión Europea la voz de los afectaos por dalguno

Andecha Astur y URAS-PAS algamaron sofitu del Plenu municipal a la so iniciativa por una ambulancia en Noreña.

Noreña, 08 Avientu.  ANDECHA ASTUR y URAS-PAS qu'en payares desendolcaron una campaña en favor de la instalación d’una ambulancia en Noreña valoraron como positiva la resolución del Plenu del Conceyu. Les formaciones asturianes valoren la campaña como un ésitu rotundu pol gran apoyu social que recibió, con unes 2.000 firmes recoyíes nel mes de payares”.  ANDECHA ASTUR y URAS-PAS amestarán esti reconocimientu algamáu del Pleno a las firmes  recoyíes, na solicitú formal de la instalación de una ambulancia en Noreña qu’ellevaran nos prósimos díes al Servicio de Salud del Principado de Asturias (SESPA).

El Conceyu Abiertu Antimonárquicu entamó una xornada republicana con motivu de la visita de los pirncipes d'España a Ribeseya.

Ribeseya, 08 Avientu. El Conceyu Abiertu Antimonarquicu entamáu en Ribeseya a iniciativa d'Andecha Astur y la organización xuvenil Darréu y onde participen dellos colectivos y persones individuales entamó, con motivu de la visita de los principes d'España, la Primer Xornada Republicana.

La xornada consistió nuna proyeición del vidiu documental“Memoria, Dignidá y Llucha” y nun  alderique onde va intervenir F. Javier de la Fuente, presidente del Foru pola Memoria del Oriente d’Asturies

Andecha Astur aconceya con eurodiputaos de l'Allianza Llibre Europea.
La Guardia (EH), 25 Payares. Esta fin de selmana una delegación d'Andecha Astur ta participando en La Guardia (Alava) nunes xornaes entamaes por Eusko Alkartasuna. Les xornaes analicen la próxima lliberalización del sector vinícula na Unión Europea y los sos efectos pal pequeñu productor, ente otres coses. Amás de participar nes xornaes sobre esta política europea y calibrar el so efectu nel sector vinícula del nuesu país y ver tamién posibles iniciatives interesantes pal importante sector sidreru asturianu, Andecha Astur aconceyó colos dos eurodiputaos participantes, Mikel Irujo d'Europa de los Pueblos y con Alyn Smith del Partíu Nacionalista Escocés, los dos miembros del grupu parllamentariu europeu Allianza Llibre Europea (ALE) -na semeya-. Andecha Astur caltuvo un conceyu de trabayu col so diputáu sobre iniciatives que se tan llevando y  pa tresllada-y dellos temes nuevos y con Alyn Smith la delegación asturiana caltvo un conceyu pa formalizar un contactu periódicu y la so collaboración pa trabayar dellos temes y propuestes relacionaos con Asturies.

Contra'l facismu d'ayeri y güei. Llucha con memoria.
Xixón, 20 Payares. El sábadu 17 de payares Andecha Astur y la organización de mocedá Darréu sofitemos la convocatoria antifacista que con motivu del cabudañu del dictador Francisco Franco entamó la Coordinadora Antifacista d'Asturies (CAA). La convocatoria foi tou un éxitu y unes 1.200 persones manifestáronse en Xixón nuna xornada na que se fexo especial alcordanza del rapaz antifacista, de 16 años, asesináu en Madrid el día 11 d'esti mes, por un neo-nazi, militar de profesión.

Darréu entama'l "Di de la Fueya" esti sábadu en Llangréu

Llangréu, 20 Payares. Esti sábadu 25 de payares les agrupaciones llocales de la organización xuvenil Darréu de la Cuenca'l Nalón entamen un amagüestu y un conciertu en La Felguera. Los actos son na Plaza les chimenés, detrás del ambulatoriu.

La xornada entama a les 17 hores col amagüestu con precios populares onde va haber, amás de castañes y sidre del duernu, xuegos tradicionales pa neños y música del país.

De magar les 19:00 hores entama un conciertu de baldre de los grupos Insert Coin y Brigada.