ANDECHA ASTUR presenta candidatures a les nacionales, con Antón Fuertes pel Ocidente, Brunu Gómez pel Oriente, y Llucía Fernández pela fastera cientru; a les de conceyu en Xixón y Uviéu, sofitando a Conceyu Abiertu por Noreña; y nes europees dientru la coallición Agora Repúbliques, con Esquerra Republicana, EH Bildu, BNG, Puyalón y Ahora Canarias.
La campaña, que se fai baxo’l llema Agora Repúbliques, Agora Asturies, tien como oxetivu, en pallabres de Llucía Fernández, candidata a la presidencia del “Principado”, “faer que los miles de votos que mos sofitaron al Senáu se conviertan en miles de votos a les candidatures europees, nacionales y de conceyu” y ye que talo como desplica, el problema agora mesmo del soberanismu/asturianismu “ye superar el falsu conceutu de votu útil, y faer que los votos de los asturianos queden n’Asturies, y non en sucursales madrilanes que, con corbata o con coleta, representen más de lo mesmo”.
N’otru sen, ANDECHA ASTUR anuncia que fadrá un importante esfuerciu por tar presente na cai y nes RRSS por cuantu la presencia nos medios de comunicación “del sistema” caltienen tabicada cualisquier posibilidá de dar a conocer la organización y les propuestes que se fain, llegándose al estremu de tapecer la nuesa participación nes mencionaes convocatories elleutorales.
Ello asina, afálase al conxuntu del soberanismu/asturianismu a sofitar les candidatures d’ANDECHA ASTUR, bien dientru del Grupu Sofitu qu’esiste dende les pasaes elleiciones estatales, bien al traviés de les redes sociales, o de la forma que más afayaizo puea resultar.
Los prósimos actos públicos tendrán llugar esta fin de selmana:
- Sábadu 11. De magar les 12.00 h. Plaza Alfonso X el sábiu . La Pola L.lena
- Sábadu 11. De magar les 21.00 h. Esquina Casa La Cultura con Jerónimo Ibran. Mieres
- Domingu 12. De magar les 12.00 h. Parque La Llaguna. L’Entregu
- Domingu 12. De magar les 12.00 h. Parque Dolores Fernández Duro. La Felguera.
Pues ponete en contautu con nós en:
andechainfo@gmail.com
@andechaastur
@andecha_astur
www.facebook.com/AndechaAstur
T. 677 331 623
