Nel Díi de la Nación Asturiana, de Les Arriondes a Cangues d’Onís, denunciando la manipulación de la monarquía española en Cuadonga, y avanzar na defensa de la República Asturiana.
La importante participación na marcha republicana baxo’l llema “Asturies nun tien Rei”, supunxo un importante contrapuntu al remanamientu propagandísticu de la monarquía española en Cuadonga pretendiendo apropiase d’un llegáu hestóricu y simbólicu que pertenez al Pueblu Asturianu y col que los borbones nun tienen un res que ver, por más que pretendan llexitimase recurriendo a un Cuadonguismu españolista que nun cunta con dengún sofitu hestóricu.
Asina mesmo, dexa n’evidencia a les sucursales de Podemos ya IU n’Asturies qu’en cuentes de movilizase frente a esta nueva agresión monárquica, llimitáronse a faer sendes folixes festexando nun se sabe bien qué, escaeciendo’l vergoñosu actu de subordinación y sumisión que tubo llugar en Cuadonga.
Arriendes d’ello, esta movilización, entamada pol colleutivu “Lluchando pola Soberanía”, marca una llinia d’actuación xunitaria na que debiéremos afondar, porque como se dixo na intervención política, “Tamos equí pa dicir que non, que nun tenemos amos, que güei los asturianos y les asturianes somos un pueblu dignu en movimientu, un pueblu mirando al futuru, que tamos dimpuestos a axuntar toles fuecies, que vamos costruyir alternatives p’avanzar haza una Asturies y un mundiu nos que se pueda y pague la pena vivir”.
