Inicio > Asturies > Andecha Astur pide oficialmente la revocación d’honores a Álvarez Areces
AsturiesPortada

Andecha Astur pide oficialmente la revocación d’honores a Álvarez Areces

Énte la so responsabilidá recoyía na sentencia sobro’l casu Marea- Riopedre, Andecha Astur solicitó formalmente en el «Principado» y l’Ayuntamientu Xixón la revocación de los honores concedíos a Álvarez Areces.

FIRMA EN CHANGE POLA REVOCACIÓN D’HONORES!!

La sentencia del Tribunal Supremu casu Marea-Riopedre consideró acreitao que nel tiempu en que Vicente Alberto Álvarez Areces presidió’l gobiernu asturianu “quedó sostancialmente corrompíu’l procedimientu d’axudicación de contratos de suministru y d’obres en varies Conseyeríes” d’esti gobiernu, afitando na so sentencia que colos fechos condergaos non sólo resultó ñidiamente perxudicáu’l padremuñu públicu asturianu, “sinón que se llantó de facto un sistema d’axudicación de los contratos conveníos cola Alministración qu’afeutaba a tol sistema de la Comunidá Autónoma y non sólo al padremuñu d’ésta”, pola comisión de delitos de cohechu, malversación, prevaricación y falsedá, polo que, en términos políticos, puen definise aquellos años de mala gobernanza comu de corrución sistémica.

Que, ello asina, d’estos fechos reconocíos por sentencia’l Tribunal Supremu, derívase la inescusable responsabilidá política (pos la penal yá nun se podrá demostrar enxamás) que nestos fechos tuvo l’entós  presidente del Gobiernu, Vicente Alberto Álvarez Areces. Esta nuea rialidá que se pervé cola sentencia del Tribunal Supremu, fae a Álvarez Areces indinu de cualisquier tipu d’honor y distinción avalaos col nome d’Asturies.

Ello asina, Andecha Astur acuéyese a la Llei 4/86 de mayu, regulaora de los honores y distinciones d’Asturies, nel so artículu 18, diz que “la concesión de los honores y distinciones a que la presente Llei se refier podrá ser revocá si con posterioridá a la mesma los interesaos realizaren actos o manifestaciones que los faigan indinos de la so titularidá” y que “pa la revocación sedrá preciso oservar, en tou casu, igual procedimientu que’l previstu pa la concesión”, solicitando la revocación de la Medalla d’Asturies en categoría oru concedía pol «Principado» a títulu póstumu al espresidente Vicente Alberto Álvarez Areces, y la de fíu Predileutu concedía pol Ayuntamientu Xixón.

 

VER DOCUMENTU PRESENTÁU AL «PRINCIPADO»

VER DOCUMENTU PRESENTÁU AL AYUNTAMIENTU XIXÓN

One thought on “Andecha Astur pide oficialmente la revocación d’honores a Álvarez Areces

Deja un comentario

Tu dirección de correo electrónico no será publicada. Los campos obligatorios están marcados con *