Inicio > Asturies > Andecha Astur entruga nel Congresu español pol conflictu d’EHBI
AsturiesLlaboralPortada

Andecha Astur entruga nel Congresu español pol conflictu d’EHBI

Andecha Astur vien de presentar al traviés d’EH Bildu, socios na coallición Agora Repúbliques, una entruga a la mesa del Congresu de los Diputaos respeutu a les iniciatives que tien camentao tomar el Ministeriu de Tresportes, Movilidá y Axenda Urbana en cuantes a l’aplicación unillateral d’un ERTE a la plantía d’EHBI

Andecha Astur, que yá emitiere un comunicáu de sofitu a los trabayaores, fai esta entruga, presentada pol diputáu d’EH Bildu Oskar Matute, onde recueye la situación de los 4 trabayaores d’EHBI en fuelga fame dende’l pasáu 13 mayu como midía de protesta escontra’l dispidu de siete compañeros por mor de la ñegativa de la empresa a solicitar la tasa de reposición del seutor públicu autorizada pa los años 2019 y 2020.

Ello asina, tres remembrar que’l 68,80% del acionariáu d’EBHI ta en manes del Sistema Portuariu español, dependiente del Ministeriu de Tresportes, Movilidá y Axenda Urbana del Gobiernu d’España, plantega -pa la so rempuesta per escrito- la entruga que vien darréu:

¿Qué iniciatives camienta tomar el Ministeriu Tresportes, Movilidá y Axenda Urbana pa torgar que la empresa EHBI, SA, que vien d’aplicar unillateralmente un ERTE a la so plantía, aprofitando la coyuntura de la cris del Covid19, nun solicite esti añu la tasa de reposición del 100% que rixe en tol seutor públicu, y que llevaríe al dispidu en diferíu de cuatro trabayaores en 2020 y trés más en 2021, dispidos que se llevaríen a efeutu cuandu finen dellos contratos temporales y que sedríen maquillaos pola empresa como finalizaciones de contratos y non despidos?

Arriendes d’ello, na intervención d’Oskar Matute güei nel Congresu español, tamién fexo referencia a esti conflictu y pidió al gobiern del Reinu d’España una rempuesta al conflictu.

One thought on “Andecha Astur entruga nel Congresu español pol conflictu d’EHBI

Deja un comentario

Tu dirección de correo electrónico no será publicada. Los campos obligatorios están marcados con *