El documentu, presentáu por Pernando Barrena, eurodiputáu de la coallición Agora Repúbliques de la qu’Andecha Astur forma parte, recueye les demandes rializaes pola Asociación de Queseros Artesanos del Principáu d’Asturies
Presentáu a la Comisión Europea, con solicitú de rempuesta escrita, l’escritu recueye cómo magar la Política Agrícola Común (PAC) de la Comisión Europea diz tener ente los sos oxetivos “garantizar una renta xusta a llabraores, reequillibrar el poder na cadena alimentario, caltener paisaxes y biodiversidá, caltener fasteres rurales dinámiques, sofitar el relevu xeneracional…”; na práutica , la mayoría de les sos polítiques tán dirixíes a grandes empreses, escaeciéndose y marxinando piqueños productores, vitales pa consiguir la soberanía alimentario d’un territoriu, y qu’aíden a caltener vives munches fasteres rurales fixando población, y aniciando un padremuñu natural y cultural de valor incalculable.
Ye por ello, talo como manifestó l’Asociación de Queseros Artesanos del Principáu d’Asturies, que los piqueños productores siéntense desdexaos por autoridaes nacionales, estatales y comunitaries, sintiendo que les polítiques agrícoles europees perxudíquenlos yá que tán principalmente empobinaes a aumentar la competitividá de grandes productores, siendo un seutor que va salir especialmente estropiáu de l’actual cris.
Por too ello, entruga a la mentada Comisión Europea:
- ¿Tien la CE planes específicos p’ameyorar la situación d’estos piqueños productores (llínies de financiamientu específiques de lliquidez pa les microindustries, campañes masives pa incentivar el consumu de productos llácteos de prosimidá y artesanales…)?
- ¿Tien camentao la CE revisar les llínies d’actuación de la PAC empobinaes a esti grupu?
