Inicio > Asturies > Andecha Astur denuncia la inxustificable inxerencia gallega na tema llingüística
AsturiesCultura asturianaLlingua AsturianaPortada

Andecha Astur denuncia la inxustificable inxerencia gallega na tema llingüística

 Recuerda que dende cuantayá vien denunciando que la denominación de la fala del ocidente como gallego-asturiano, y la so consideranza como una nueva llingua, non solo nun tenía dengún xacíu sinón que  yera una puerte abierta al espansionismu galleguista

Andecha Astur quier denunciar les declaraciones colonialistes de l’Academia de la Llingua Gallega -RAG- comu un acosu impropiu d’una institución académica cuya actitú debería tar sofitá nel respetu, na non agresión y na respetabilidá científica.

Acullá d’esta nueva espresión del espansionismu galleguista que cuantayá venimos careciendo, a la que de puru incoherente nun consideramos preciso nin retrucar, Andecha Astur quier perafitar que:

  • La calificación de la fala como “gallego-asturiano” pol “Principado”, y la claudicación de l’Academia de la Llingua Asturiana –ALLA- a les presiones de la FSA-PSOE, dexando de considerar la fala como una de les variedaes llingüístiques del asturianu y almitiéndola como otra llingua diferente; supón non solo una agresión a los falantes d’esa variedá, sinón el vistu bonu a la continua inxerencia galleguista nesos territorios, talamente como acaba vese confirmao.
  • Que la pretensión de dar a la fala la consideranza d’una llingua estremada del asturianu y del gallegu, en plenu sieglu XXI resulta esperpéntica, y dao la falta de poder políticu del “Principado” frente a Galicia, amás de los fautores demográficos, socio-económicos y sociollingüísticos de la fastera afeutada, fain qu’esti apueste por una “nueva llingua” seya de tou puntu inviable.
  • Que como quiera que l’ALLA cedió a les presiones de la FSA-PSOE refugando de la so postura inicial de considerar una variedá del asturianu a la fala, y la RAG reivindícala como gallego, y dao la so artificialidá ya inviabilidá como llingua diferencida, a mediu plazu, acabará siendo inevitablemente fagocitada pol gallegu.
  • Que mentes nun se recupere la consideranza de la fala como una de les variedaes del asturianu, y ésti nun seya oficial, la denominación como “eo-naviego” nun supón namás qu’un pasu intermediu pa la so asimilación pol gallegu.

 

A la fin, Andecha Astur recuerda la so reclamación hestórica d’Oficialidá de la llingua asturiana en tol país y de toes y cauna de les variedaes llingüístiques del asturianu nos sos respeutivos territorios, nel comencimientu de que la reconocencia de la pluralidá llingüística del asturianu non solo nun costitúi un problema, sinón que ye la espresión de la so vitalidá y garantía de persistencia, mentes que postures ríxides y segregacionistes na so normativización/normalización nun respeten principios democráticos básicos y puen suponer a la fin, un alloñamientu de los falantes del procesu de recuperanza llingüística.

2 thoughts on “Andecha Astur denuncia la inxustificable inxerencia gallega na tema llingüística

  1. Xicu

    Nin lo de la XDLLA, IxA, La Academia Gallega, Asociación El Tolarín d’Asturies Sur……Sigan pasando. Nin el grupu de FB “Catalans amb Altsasu”.. …. Pa que dalgunos vayan sofitalos a Bilbado.
    Pero lo pior los combayones cipayos “asturianos”:galleguistes, lleonesistes, cantabristes,…. PUEO DAR NOMES Y APELLÍOS magar que yá los sabreís.

Responder a Xicu Cancelar respuesta

Tu dirección de correo electrónico no será publicada. Los campos obligatorios están marcados con *