Ayeri compañeres d’Andecha Astur tuvieron echando un gabitu a Les 6 de La Suiza.
Cumplíense dos años dende que’l xuez antiobreros Lino Rubio les condergó a un total de 21 años de prisión y a 150.000 € d’indenización por defender a una trabayaora, víctima d’acosu por parte l’empresariu.
Pa cellebralo, el grupu de sofitu a Les 6 de La Suiza descolgó na Casa Sindical una pancartona de 6×12 metros, que permitirá que tou Xixón conoza l’argumentu principal d’estes compañeres: facer sindicalismu nun ye delitu. Sigue’l casu de Les 6 de la Suiza nes redes sociales y na so páxina web: https://6delasuiza.info/
