Inicio > Asturies > Andecha Astur amplía la denuncia a la UXT énte la OLAF
AsturiesLlaboralPortadaXunión Europea

Andecha Astur amplía la denuncia a la UXT énte la OLAF

El fraude del sindicatu español nos cursos de formación, algamaríe cuasique 1,5 millones d’euros

Hai meses qu’Andecha Astur denunció énte la Oficina Europea escontra’l Fraude (OLAF) que la UXT n’Asturies emplegare fondos europeos de formación pal emplegu pa cometer, presuntamente, varios delitos de fraude de sovenciones por valor estimáu de cuasi 1’5 millones d’euros, ente los años 2010 y 2014.

Nueos socedíos, comu’l rechazu n’Audiencia de los recursos que presentaron los acusaos, el señalamientu del sindicatu comu responsable sosidiariu, l’apaición de nueos indicios, etc. fae necesario qu’Andecha Astur amplie la so denuncia anicial, pa defender meyor los intereses d’Asturies y los sos trabayaores.

La denuncia énte la OLAF señala comu presuntos culpables d’estos delitos a los seyes dirixentes de la UXT que van ser sometíos a xuiciu oral por talu fraude: Justo Rodríguez Braga (es-Secretariu Xeneral), Mónica Menéndez (es-Secretaria d’Alministración), Manuel Díez Cancio (es-Secretariu Formación), María Jesús Ocaña (alministraora de les sociedaes Localmur y Formación 2020), Alberto González Castaño y Silvia Sariego. Y entá ye posible que, demientres la cellebración del xuiciu, se puea ampliar el númberu d’implicaos.

La Fiscalía pidi más de 40 años de prisión pa unos fechos que describe comu una “actuación concertao y sistemático”; ye dicir, a mou de cártel mafiosu llevaron a cabu esi delitu tan avezáu nesti tipu sindicatos españoles: utilizar sociedaes ausiliares interpuestes, hinchar precios d’arriendos de llocales, incluyir gastos de sindicalistes que nun impartieron formación, xustificar cursinos qu’enxamás se llegaron a facer… Malversando d’esti mou les sovenciones europees, que salen de los impuestos qu’apurrimos tolos trabayaores, los encausaos de la UXT consiguieron algamar beneficios económicos que quedaben a la so disposición. Polo menos una parte d’eses ganancies fraudulentes invirtiéronse en gastos ordinarios del sindicatu, pagu nómines a presonal, capitalización de sociedaes istrumentales del sindicatu, pagu de perdes nuna promoción inmobiliaria de la UXT, etc.

Comu defendemos que l’Asturies que pue trabayar nun madruga pa pagar impuestos de los que se beneficie mafia dalguna, Andecha Astur tornó pidir nesta ampliación de la denuncia que, comu midía cautelar, queden en suspensu toles sovenciones que puea tener en trámite’l sindicatu UXT.

El determín d’Andecha Astur de collaborar cola OLAF pa investigar y castigar esti fraude ye firme, más entá tres sintir que l’actual secretariu xeneral de la UXT n’Asturies, Javier Fernández Lanero, en cuenta reconocer los fechos y obrar en consecuencia, xustifícalos afitando que too se debe a un “problema alministrativu”. Ye obligación de toos dar acabu al entramáu PSOE-UXT que tantu dañu fizo a Asturies nes caberes décades.

Deja un comentario

Tu dirección de correo electrónico no será publicada. Los campos obligatorios están marcados con *