Miguel Ánxelu Agudo, voceru de la Estaya de Sanidá d’Andecha Astur, entrevistáu por Infoasturies.com analiza la situación de la Sanidá Pública Asturiana y cómu’l «Principado» ta aprofitando l’andanciu del Covid-19 en beneficiu de la privatización de la sanidá pública.
La entrevista tien como filu conductor la refuga pol Congresu español d’una propuesta presentá pola Xunta Xeneral d’Asturies, conocía comu “Proposición de Llei d’Universalización del Drechu a l’Asistencia Sanitaria Pública”, na que los mesmos partíos que la sofitaron n’Asturies (IU, PSOE y Podemos) punxéronse a la escontra de la propia propuesta en Madrid, dexando n’evidencia l’esperpentu sucursalista que carecemos nel nuesu país.
El testu quería garantizar drechos sanitarios universales, incluyendo foriatos ensin papelos, y refugaba’l copagu sanitariu. Votaron escontra PSOE, PP, Vox y Foro Asturies; astuviéronse Podemos y PNV; votaron a favor ERC, EH Bildu, Ciudadanos, PDeCAT y Más País.
