Inicio > Asturies > Comemoración en Tarna de la declaración de Soberanía de 1937
AsturiesPortada

Comemoración en Tarna de la declaración de Soberanía de 1937

Andecha Astur convoca pal prósimu sábadu 24 d’agostu, el tradicional  actu d’homenaxe a la Declaración pola que’l Conseyu d’Asturies y Llión proclamábase Soberanu ya independizábase a tolos efeutos de la República Española.

La organización pondrá autobuses pa facilitar la participación nel eventu.

Frente al xeneral desdexamientu de la hestoria del país, y la sumisión de la izquierda española n’Asturies aceptando’l “Principado” que mos impunxeron dende Madrid, Andecha Astur reclama’l Conseyu Soberanu como la postrer istitución democrática del Pueblu Asturianu, y la soberanía como un drechu inrenunciable imprescindible p’afitar el nuesu futuru como Pueblu, perafitándose na reivindicación de la República Asturiana.

Como davezu, l’actu tendrá dos partes estremaes: A les 11:00 procederáse a xubir a les trincheres de L’Abidular dende onde l’exércitu del Conseyu Soberanu defendió’l país frente a les tropes franquistes, y a les 13:30 delantre’l monumentu que fai alcordanza d’esta hestórica declaración del 24 d’agostu de 1937, aniciu d’una auténtica República Asturiana.

Pa facilitar la participación, esti añu cuntaráse con autobuses, siendo preciso reservar plaza bien  per corréu lletrónicu: andechainfo@gmail.com o al teléfonu 684 644 711

 

Con esti actu homenaxease la hestórica declaración, fecha’l 24 d’agostu de 1937, pola que’l Conseyu d’Asturies y Llión declarábase soberanu ya independiente de la República española:

«Artículul 1.- El Conseyu Interprovincial d’Asturies y Lleón, de magar la fecha y hora de la promulgación d’esti decretu, costitúise en Conseyu Soberanu de gobiernu tol territoriu de la so xurisdición y a elli queden dafechamente sometíes toles xurisdiciones y muerganismos civiles y militares que foncionen o vaigan foncionar de secute dientru’l mentáu territoriu.»

Esta proclamación soberanista permitió qu’Asturies entamare un auténticu procesu revolucionariu y se defendiera heróicamente del exércitu facista español/italianu/alemán, pero enxamás nun cuntó cola aprebación de la República española, que llegó a considerar un alliviu l’acupación d’Asturies poles tropes facistes.

La falsa transición política cola que continuó’l franquismu non solo nun permitió recuperar esta auténtica istitución d’autogobiernu, sinon qu’impunxo dende Madrid –ensin que’l Pueblu Asturianu pudiere votalo- un “Principado” y un Estatutu descontestualizáu hestoricamente y sociolóxicamente ayenu a la sociedá asturiana, condergándomos a la situación de colonialismu que carecemos anguañu.

VER ACTU DEL 2018

One thought on “Comemoración en Tarna de la declaración de Soberanía de 1937

Deja una respuesta

Tu dirección de correo electrónico no será publicada. Los campos obligatorios están marcados con *