Pide’l votu p’amosar que n’Asturies hai un pueblu vivu y consciente que llucha polos sos drechos.

Andecha Astur pieslla la campaña ellectoral con un actu políticu y una espicha en Xixón, nel Llar d’Andecha (cai Prendes Pando, 11, baxu),  onde van tar presentes militantes y simpatizantes xunta los candidatos y candidates de la organización nestes elleiciones xenerales a les qu’Andecha Astur preséntase como alternativa a los partíos tradicionales col oxetivu d’ofrecer una opción ellectoral al nacionalismu asturianu en xeneral y a la izquierda soberanista en particular, de posibilitar un votu  asturianu consecuente colos drechos sociales y nacionales del pueblu asturianu.

Andecha Astur quier finar con esti actu una campaña ellectoral na que tolos recursos utilizaos son propios y con un presupuestu modestu, una campaña basada nel trabayu de militantes y simpatizantes. L’actu políticu y la espicha pondrán fin a un duru trabayu y servirá tamién pa cellebrar la validación del votu n’asturianu y les papeletes en llingua asturiana tarán disponibles nel actu.

Colos oxetivos cumplíos d’ofrecer una opción asturiana soberanista nes elleiciones españoles y de la validación del votu na nuesa llingua, Andecha Astur espera que munchos asturianos y asturianes voten 100% Asturies, voten Andecha y que, con ello, amuesen que n’Asturies tovía hai un pueblu vivu y consciente, que llucha polos sos drechos.

El votu a Andecha Astur estes elleiciones ye’l votu del soberanismu asturianu, un movimientu políticu llamáu a convertise nos prósimos años nuna alternativa social y política fuerte, dalgo polo qu’hai que siguir trabayando tolos díes al ser más necesario que nunca nesti contestu de crisis capitalista que se xune a la crisis social, económica y cultural que carez Asturies dende va décades con unos responsables mui claros y conocíos qu’hai que castigar nes urnes.

• Pesia ello, presentó recursu énte la Xunta Elleutoral pola contradición de permitir el votu n’asturianu, pero prohibir la distribuición d’estes papeletes nos Colexos Elleutorales.

• Agradez les múltiples amueses de solidaridá recibíes y considera inaceutable’l silénciu cómpliz del “Principado”.
  
  
• Facilitará papeletes n’asturianu debidamente homologaes a aquelles presones que quieran facer usu del so drechu a votar na propia llingua.

Andecha Astur considera qu’algamar otra vuelta la validez del votu n’asturianu supón un nueu avance na normalización democrática n’Asturies, cola oficialidá comu oxetivu imprescindible pa garantizar los drechos llingüísticos del Pueblu Asturianu.

Pesia ello, presentó recursu énte la Xunta Elleutoral provincial, al atalantar qu’el respetu a les normes democrátiques más básiques obliga a garantizar el drechu de los asturianos a poder votar na so propia llingua y facilitar toles papeletes n’asturianu, ainda más cuandu la propia Xunta Elleutoral provincial reconoz la validez del votu n’asturianu; pidiendo que s’anule l’alcuerdu que consagra esta triba de “apartheid” llingúísticu que permite’l votu n’asturianu pero prohibe la presencia de papeletes en dicha llingua nos Colexos Elleutorales.

Per otru llau, Andecha Astur quier agradecer públicamente les múltiples manifestaciones de solidaridá recibíes, tantu de particulares comu d’otres organizaciones sociales, partíos políticos, sindicatos, asociaciones culturales... agradeciendo especialmente el sofitu de l’Academia de la Llingua Asturiana, considerando inaceutable’l silenciu cómpliz del “Principado” nun intre nel que tendríe la oportunidá de traducir en fechos la so proclamada sensibilidá democrática y el respetu y consideración a la llingua asturiana.

Arriendes d’ello, Andecha Astur yá cuenta con papeletes n’asturianu pal Congresu y el Senáu (debidamente validaes) que tan a dimposición de toes aquelles presones que quieran facer usu del so drechu a votar na propia llingua, pudiendo recoyese nos llocales de la organización o solicitase a: Esta direición elleutrónica ta curiada escontra spam bots. Precisa activase JavaScript para vela