Dende Andecha Astur queremos amosar el más absolutu rechazu otra vuelta más a les polítiques neolliberales y xabaces del PSOE, qu’esta vegada dende’l gobiernu de Madrid pretenden llantanos pola fuercia una reforma llaboral  y un  “reaxuste estructural” que nun ye sinon un eufemismu del tixeretazu que van dar al gastu social y los servicios que beneficiaben a quienes más lo necesitaben. Estes medíes además vienen daes polos organismos internacionales del gran capital, que por supuestu, atienden a los porgüeyos de les grandes fortunes y non del Pueblu Trabayador, lo mesmo que pasó hai unes selmanes en Grecia.

Tenemos de paralos. Nun podemos consentir que sigan desfarrapando Asturies.

El prósimu vienres, 14 de mayu, a les 19:30 hores, n’El Parche (Pza. l’Ayuntamientu) d’Avilés, va tener llugar una concentración escontra la Reforma Llaboral qu’anguañu ta apautando’l Gobiernu cola patronal y los sindicatos CCOO y UXT que convoquen delles organizaciones y ente les que s'alcuentra Andecha Astur y la organización de mocedá Darréu.

Na comarca d’Avilés vamos camín de los 15.000 paraos y paraes. Asturies ta averándose a los 100.000 paraos y paraes. El 40% la mocedá ta en paru. La mayor parte la población trabayadora cobra sueldos miserables. Siguen despidiéndonos cuandu-yos da la gana. Tan embargándonos les viviendes. Pero regalen miles de millones d’euros a los bancos y los grandes empresarios.

Andecha Astur pide una anovación de la páxina pa faela más funcional, ufiertar servicios telemáticos y versión n’asturianu.

Andecha Astur denuncia que la páxina oficial del Conceyu caltien na so información sobro les instalaciones municipales los nomes de les cais retiraes por cuenta de la aplicación de la Llei de Memoria Hestórica pol Plenu del Conceyu. Asina, la Biblioteca Municipal , el ‘telecentro’, la sala d’estudios o la Casa la Cultura, según la páxina institucional, atópense na sumida cai dedicada a Camilo Alonso Vega y non na actual Cai de la Llibertá.

Nun ye de recibu que na pagina institucional caltenga nomes de cais retiraes pola so relación col franquismu, lo qu'amás de ser una tomadura de pelo, dexa ver la dexadez esistente no que se refier nala pagina del Ayuntmaiento, de por si probe tocantes a servicios, información y conteníos.

El pasáu 8 de mayu, el PCPE-Asturies, Andecha Astur, los CJC/CMC y Darréu, entamamos una aición conxunta nel marcu’l festival  “Tolo d’Asturies” qu’entama l’ayuntamientu de Llangréu, pa condergar la sangrante situación represiva que sufren estes organizaciones ente otres, de la mano’l PSOE llocal.

Estes organizaciones, como desplicamos meyor nos panfletos repartíos, acumulen más de 35.000 € en multes pol simple fechu de tresladar la nuesa propaganda a les cais. Mentantu, el gobiernu municipal fai ver el doble raseru que gasta, colocando la so propaganda onde-y peta ensin mayor torga. Amestar tamién la ñegativa l’Ayuntamientu de Llangréu a ceder espacios públicos a les nueses organizaciones tanto p’actos culturales como políticos.