Andecha Astur considera patétiques les declaraciones de Javier Fernández
Miércoles, 25 de Xunetu de 2012 10:42 |
| Nacional |
Convida a Javier Fernández a dexar en casa la so fobia antiasturiana, a respetar los drechos democráticos y a escomenzar a actuar yá en defensa de los intereses d’Asturies. Énte les patétiques declaraciones del presidente del "Principado", Andecha Astur convida a Javier Fernández a dexar de dar rienda suelta a les fobies antiasturianes que lu carautericen tantu a elli comu al partíu del que forma parte y a escomenzar a actuar d’alcuerdu al so cargu, y a tomar ensin más dilación dalguna midía empobinada a dar rempuesta a los munchos problemes a los qu’anguañu s’enfrenta’l Pueblu Asturianu. La minería, ensin dir más lloñe.
Andecha Astur compriende que Javier Fernández tea esmolecíu pola decisión de les mocedaes del so partíu de reivindicar la oficialidá del asturianu, pero tien d’atalantar que ye incaltenible la situación de represión sistemática a la que ta sometía la llingua asturiana y que más ceo que sero va tener que plegase a la normalidá democrática y a la reconocencia y aplicación en Asturies de los drechos humanos internacionalmente reconocíos. Remembrándo-y que la intolerancia a la que fai mención nun se topa en quien defende o reconoz talis drechos, sinón en quien persiste na so represión.
Andecha Astur pide la retirada de banderes azules Llunes, 23 de Xunetu de 2012 17:57 |
Andecha Astur dirixóse a la Foundation for Environmental Education (FEE) y a la Asociación de Educación Ambiental y del Consumidor (ADEAC), que preside’l xuráu a nivel del Estáu español pa solicitar formalmente la retirada de les banderes azules a les playes que se vieren afeutaes pol vertíu de galipote, facilitándose-yos un ampliu dossier nel que queda demostrao que tres el vertíu prodúxose l’incumplientu dafechu o parcial d’a los menos los vinientes criterios imperativos que rixen pa la so concesión: Andecha Astur alerta del riesgu de colapsu poblacional Sábadu, 21 de Xunetu de 2012 07:35 |
Les polítiques socioeconómicas aplicaes pol Estáu español sobro Asturies obliguen a la nuesa mocedá a emigrar y consiguen el so oxetivu d’algamar un xorrecimientu poblacional negativu. Les proyeiciones del Istitutu Nacional d’Estadística (INE) confirmen que nel primer semestre del añu 8.250 asturianos viéronse obligaos a emigrar y qu’esta sangría poblacional nin siquier viose compensada pola entrada d’inmigrantes, colo que’l saldu migratoriu ye negativu, lo que conxuntamente col descensu de la natalidá y l’avieyamientu poblacional, lleva a Asturies a una situación de despoblación pergrave, un auténticu xenocidiu. Denuncia pola apertura de playes con galipote Martes, 17 de Xunetu de 2012 06:21 |
 Les playes de Carreño abriéronse al bañu con galipote y ensin tener los resultaos de l’analítica d’hidrocarburos. Andecha Astur presentó una denuncia pola apertura al bañu de les playes de Carreño’l pasáu domingu 8 de xunetu,ensin tener los resultaos de l’analítica d’hidrocarburos unviada al llaboratoriu, y ensin que tovieren finaes les xeres de llimpieza. Na denuncia especifícase qu’l fuel supuestamente vertíu (a díi de güei nun se facilitaren detalles de la composición del material vertíu) contien; asfaltenos, hidrocarburos arumáticos, hidrocarburos saturaos y hetromolécules con átomos d’azufre, osíxenu, nitróxenu y metales.Amás d0éstos, los fueles contienen hidrocarburos arumáticos volátiles comu’l bencenu, toluenu, xilenos.Ente los hidrocarburos arumáticos policíclicos presentes nel fuel hai de solliñar el naftalenu, fenantrenu, dibenzotiofenu,fluorantenu, cresenu y los alquil-derivaos,toos ellos sustancies d’altísma tosicidá. Andecha Astur presenta nel ayuntamientu L.lena una moción condergando l’actuación de la Guardia Civil Xueves, 12 de Xunetu de 2012 09:22 |
 Tres dexar pasar un tiempu prudencial y comprebar el silenciu cómpliz calteníu por toles fuercies polítiques presentes nel Ayuntamientu. Andecha Astur presentó énte l’ayuntamientu L.lena una moción condergando la brutal actuación de la Guardia Civil en La Pola el pasáu 5 xuenetu no que foi, con certeza davehu, ún de los díis de mayor violencia, sufriéndose una auténtica ocupación militar y siendo tolos vecinos de la llocalidá oxetu de la desproporcionada y arbitraria actuación policial que, arriendes de los cuantiosos daños materiales prevocaos a la población, tevo comu consecuencia que dos presones, una d’elles menor d’edá, resultaren feríes por dicha aición policial. Criminalización de la llucha minera Sábadu, 07 de Xunetu de 2012 19:21 |
Talo comu Andecha Astur denunciara, el procesu de criminalización de la llucha minera va xorreciendo progresiblemente, y si yá yera nidio comu los medios de comunicación ca vuelta tracamundiaben más la rialidá, y les direiciones sindicales diben separtándose de los aspeutos más comprometíos de la llucha, agora Gabino de Lorenzo, Delegáu del gobiernu español n'Asturies vien d'emitir un "Comunicáu Urxente" nel que falsia la rialidá falando de "actos de violencia protagonizados por grupos de mineros que han tenido como consecuencia el ingreso de dos personas completamente ajenas al conflicto.." pa finar menaciando con que "las fuerzas de orden público actuarán con toda firmeza en cada caso". Dientru la so dinámica de criminalización del conflictu mineru, Gabino de Lorezo evita reconocer que la violencia exércela l'Estáu español al qu'elli representa, per un llau ñegando'l futuru de la minería y per otru cola actuación de les sos fuercies represives pa controlar la llóxica rempuesta del Pueblu Asturianu a esta nuea agresión. |
Andecha Astur solicita a la FEE la retirada de banderes azules a les playes afeutaes pol vertíu galipote.
Los nueos datos del INE confirmen qu’Asturies tá sometía a un auténticu xenocidiu 
El Delegáu del gobiernu español n'Asturies vien d'emitir un "Comunicáu Urxente" nel que criminaliza la llucha minera y menacia con más represión.
